下月嫁初戀男友 林泳淘貼拖手相千字文晒幸福
2021-04-28 08:00 
31歲的林泳淘早前被指與拍拖14年的初戀男友林卓立準備結婚，二人月前更搬入大埔新居同住，展開幸福生活。林泳淘接受傳媒查詢時亦大方承認此事，她們計劃下月註冊結婚。林泳淘在IG分享甜蜜拖手相，並寫下千字文感謝大家的祝福。
林泳淘表示近日收到很多人祝福，令她非常感動，她留言：「有人話好突然，不過對我哋嚟講係遲早會發生嘅事，所以我哋都好平常心，十幾年話長唔長，感覺眨吓眼就過，好彩我哋仲未對到厭姐。」
林泳淘笑指身邊經常有人問她與未婚夫是如何包容對方，她坦言：「或者人生就係咁，你包容吓我，我包容吓你，唔覺唔覺就會頂一世。」最後她又引用未婚夫的說話繼續大晒恩愛：「之前你話我哋係打風都打唔甩嘅關係，唉，而家俾你講中啦！」好友羅天宇、鄧伊婷、王宗堯、梁麗翹、林師傑及簡淑兒都有留言恭喜她。
關鍵字
最新回應