【維港會】「90後」同事分公私手機放工唔睇訊息 前輩批自私兼無交帶

2021-04-27 11:04
有網民指有「90後」同事分公私兩部手機,放工後便完全不看訊息,批評自私兼無交帶。unsplash圖片
有網民指有「90後」同事分公私兩部手機,放工後便完全不看訊息,批評自私兼無交帶。unsplash圖片

放工後應否回覆與工作有關的訊息?有網民指,公司有3名「90後」同事都有兩部手機,以分開公私事,收工後就會完全不看工作手機的短訊,令她感到相當困擾,急問網民這種行為是否自私!

有女網民在「香港討論區」上,以「點睇用兩部手機的年輕同事」為題發文,指自己從事兒童照顧工作,需要輪班,由於瑣碎事繁多,所以平日都會在工作的通訊群組交代,認為同事之間的溝通亦非常重要。

不過樓主指,偏偏公司有3名「90後」同事,會分開工作及私人手機,收工後便不會看工作手機,更遑論在工作群組交代的事,「佢再返工時成日跟錯曬啲嘢,有時工作有新安排又要等佢返工在線先傾得,佢返工好多時係其他人放假,變相要其他同事犧牲放工時間就佢哋」。她又指,那幾名同事返工時有未完成的工作,放工後「理所當然覺得應該休息」,令其他同事要「執手尾」。

樓主不禁詢問一眾網民,年輕人強調私人時間而不理公事,到底算不算自私,「定只係我呢啲老一輩太重責任心,太習慣畀工作勞役?」

帖文引起網民熱烈討論,有網民認為「有交帶」好重要,放工後便完全不理公事好有問題,「我覺得,輪班工作真係難免要犧牲少少私人時間知道下公事的,至少應該大家互相平衡,而唔係一面倒」、「放工唔做公事嘅前題係有交帶,如果真係成日要人幫佢執手尾係有問題」。

不過亦有網民認為放工後享受完全的私人時間,合情合理,「咁老實講,私人時間真係唔應該做工作上嘅嘢嘅,做係人情唔做係道理」、「收工唔睇公司電話好正常,你公司俾咗錢24小時on call?」、「既然其他同事都唔願意犧牲放工時間就佢哋,咁又點解要求佢哋犧牲放工時間去就你」。

資料來源:「香港討論區」

關鍵字

最新回應

關鍵字

相關新聞

熱門文章