徐頴堃余潔滢70年代Look拍MV　廖子妤化身幕後收生日驚喜勁感動

徐頴堃（Erica）早前為網劇《我在CoverDog的日子》首次擔任編劇和副導演，並邀得同公司的余潔滢（Zoe）和張丹蕾（Dana）為演出，Zoe更為網劇主題曲《戀愛攻防戰》獻出填詞的第一次！日前，Erica、Zoe及Dana以70年代造型，聯同CoverDog成員一起拍攝《戀愛攻防戰》MV，還找來好友廖子妤（Fish）做「打雜」，幫手揸機、打燈及做場務。

在網劇中未有出鏡的Erica笑言，今次終於可「叨光」上鏡，她說：「因為本身套劇冇份演做幕後，一齊跳舞唱歌都好好玩。」並露透特地請了兩個排舞老師，即場教她們跳舞，「有慢舞同節奏快嘅舞，舞步都係keep住簡單，最緊要過氣氛開心。我對我哋全部都好有信心。」

至於Zoe說：「除了人生首次為歌曲填詞外，亦未試過70年代造型，自己都想電呢個髮型，而家興復古，不過眼捷毛就太大執太誇張。」Dana也笑指眼捷毛好重，令雙眼好似愈來愈細。」事前不知Fish在現場的她又謂︰「之前知佢幫Coverdog拍MV，拍得好靚，好想佢喺度。」Fish聞言即冧道︰「你愛我？」Zoe也識做附和︰「係呀！我好愛你！」

適逢拍攝MV當日，與Fish的生日相隔幾天，故眾人特地買了蛋糕為她慶祝，當Fish看到生日驚喜時，感動到差點喊，她表示︰「好感動，疫情關係好多朋友都冇得見，冇諗過會有咁嘅驚喜出現，希望大家同我一齊玩，明年再同我慶生。（生日願望？）希望事業順利，大家身體健康，疫情快啲完結，我哋可以有多啲嘢做，恭喜發財。」