【維港會】舊同學出怪招送燒味飯展追求 港女感奇怪：已經對佢無遐想

追求對象時為了增加對方的好感，總會費盡心思送特別禮物。近日就有女網民於討論區發文指，日前重遇多年無見的舊同學，兩人亦開始聯絡及相約外出，互相都對方懷有好感。惟男方的「奇怪」的追求方法，又送燒味飯，又送「唔等洗」的物品，如大啤酒杯等，令女網民不禁卻步。

女網民於討論區分享指，去年重遇小學同學，形容當年兩人感情不俗，「以前都幾好朋友，仲成人俾同學小學雞地傳拍拖」。久別重逢，該舊同學長成長後，身形外貌不俗，雙方交換聯絡方法後開始聊天及相約外出。 雙方在閒談期間，女網民已感到對方對她有意思，「譬如喺message成日關心我」、「無啦啦會讚我好靚」。

女網民亦坦言，自己目前仍是單身，對方的條件亦不俗，亦有意繼續發展，惟他的追求手法，卻令她不禁卻步。女網民指，當她提起自己喜歡吃燒味飯後，該名舊同學某天突然等她收工，更送了一盒叉燒飯，並指「話我鍾意食，要每日請我食」。起初女網民以為只是開玩笑，未料翌日他又送了一盒雙拼叉鴨飯。女網民坦言他的行為奇怪，「我覺得好奇怪，喺都搵個地方一齊食，你買盒叉燒飯俾我一來同事見到又古怪，二來去邊度食」。

此外，該舊同學又經常送一些「唔等使」的物品，如大啤酒杯，解釋因為疫情關係無法出外飲酒，所以送啤酒杯予她在家中飲酒。他又會送細垃圾桶，「方便我夜晚想掉垃圾唔使出廳」。女網民坦言最奇怪的一份禮物為「勞工手套 」，原因竟是「見到我手有啲乾，叫我唔好成日濕水洗碗」。對方自稱是細心的男友，但港女卻不認同， 「其實我都冇話需要，邊得嚟細心」。

最後，女網民更指舊同學會經常發一些內容無聊訊息，甚至會突然在晚上傳短訊與她玩揭尾故。總總以上的舉動，都令到女網民直接判舊同學「死刑」，「我已經對佢冇左進一步既遐想，只想同佢做朋友」。

帖文引起網民的熱論，有網民建議，「真係有心想發展就同佢講你鍾意嘅相處模式」。亦有網民表示部分缺乏追女仔經驗，因此會經常使出「怪招」，「我諗應該喺無乜經驗嘅男仔嘗試溝女時會經常出埋哂啲怪招 ，『疑似新手』用呢啲怪招就體諒下啦，最主要都喺睇對方人品與及有無FEEL」。

資料來源：香港討論區