【我真係偶像】髮型疑似剪衰咗 Edan硬推Barcode頭三大好處

2021-04-15 12:30
Edan成日瞓身派膠好好笑。
Edan成日瞓身派膠好好笑。

MIRROR成員Edan(呂爵安)昨晚在社交網大晒自己的Barcode頭,更指可以「幫各位男士去build up自己嘅形象」。Edan先Hard sell新髮型似一把遮,「男人最緊要就係要夠MAN夠威猛,要保護到身邊嘅人。哩(呢)個髮型就係特登設計成一把傘嘅形狀,象徵住你係擁有遮風擋雨嘅能力,女士們見到呢個頭,一定會頓時安全感十足。」

Edan成日瞓身派膠好好笑。
Edan成日瞓身派膠好好笑。
Edan成日瞓身派膠好好笑。
Edan成日瞓身派膠好好笑。

Edan繼續口水佬上身:「如果你以為呢個頭淨係象徵住一把遮,咁你就錯了。認真啲望一望,其實佢仲係一個屋頂嘅形狀,呢個屋頂象徵住 — HOME(家)。所以擁有哩(呢)個頭嘅男人肯定好有家庭觀念,絕對比到女士們可靠嘅感覺。」就連頭頂幾條呆毛都有意思,「頭頂中心上面嘅毛毛,代表哩(呢)個人嘅想像力,係好似噴水池一樣,創意如泉湧。所以,剪咗呢個頭嘅男士肯定可以keep住比好多新鮮感對方。」

Edan在社交網大晒Barcode頭。
Edan在社交網大晒Barcode頭。
Edan指髮型似遮同屋頂,男士剪完感覺好可靠喎。
Edan指髮型似遮同屋頂,男士剪完感覺好可靠喎。

出盡奶力嘅Edan喺Hashtag呼籲粉絲「快啲tag你地嘅男朋友剪」,又指「我真係偶像」以挽救形象。不過MIRROR隊友一於笑咗先,Anson Lo(盧瀚霆)Mean爆表示「好過你平時個頭好多」;Jeremy(李駿傑)就笑Edan是「河童安」。連其髮型師隔住口罩都忍唔到笑意,Edan膠味男神代表作似乎又多一單!

頭頂幾條呆毛就似噴水池,創意如泉湧。
頭頂幾條呆毛就似噴水池,創意如泉湧。
髮型師都忍唔住笑。
髮型師都忍唔住笑。
隊友Anson Lo、Jeremy及Anson Kong都留言笑Edan。
隊友Anson Lo、Jeremy及Anson Kong都留言笑Edan。
Edan去年喺《男排女將》已挑戰過冇眉Look。
Edan去年喺《男排女將》已挑戰過冇眉Look。

最新回應

關鍵字

相關新聞

熱門文章