【我真系偶像】发型疑似剪衰咗 Edan硬推Barcode头三大好处

MIRROR成员Edan（吕爵安）昨晚在社交网大晒自己的Barcode头，更指可以「帮各位男士去build up自己嘅形象」。Edan先Hard sell新发型似一把遮，「男人最紧要就系要够MAN够威猛，要保护到身边嘅人。哩（呢）个发型就系特登设计成一把伞嘅形状，象徵住你系拥有遮风挡雨嘅能力，女士们见到呢个头，一定会顿时安全感十足。」

Edan继续口水佬上身：「如果你以为呢个头净系象徵住一把遮，咁你就错了。认真啲望一望，其实佢仲系一个屋顶嘅形状，呢个屋顶象徵住 — HOME（家）。所以拥有哩（呢）个头嘅男人肯定好有家庭观念，绝对比到女士们可靠嘅感觉。」就连头顶几条呆毛都有意思，「头顶中心上面嘅毛毛，代表哩（呢）个人嘅想像力，系好似喷水池一样，创意如泉涌。所以，剪咗呢个头嘅男士肯定可以keep住比好多新鲜感对方。」

出尽奶力嘅Edan喺Hashtag呼吁粉丝「快啲tag你地嘅男朋友剪」，又指「我真系偶像」以挽救形象。不过MIRROR队友一于笑咗先，Anson Lo（卢瀚霆）Mean爆表示「好过你平时个头好多」；Jeremy（李骏杰）就笑Edan是「河童安」。连其发型师隔住口罩都忍唔到笑意，Edan胶味男神代表作似乎又多一单！