【維港會】港男初嘗女士瑜伽班 尷尬又辛苦上一堂即放棄

疫情下強身健體風氣盛行，不過有男網民跟隨女友前往參加女士瑜伽班，結果感覺非常尷尬，而且動作亦有難度，感覺太辛苦。

「香港討論區」有網民指，因為肌肉酸痛問題，女朋友叫他試驗跟她上一堂瑜伽堂，結果抵達時才知道得他一個男士。男網民形容，瑜伽老師以及一部份學員的身材都好好，又著緊身衫褲，「其實一開始真係忍唔住兩眼架」。但是成個活動室四周都是鏡，望甚麽都會被人見到，所以眼光都是放回自己及女朋友身上較好。

男網民又形容，「真係完全無法有邪念，因為瑜伽真係好辛苦好攰，男人啲筋又硬，一拉真係，所以就算呢啲係只有女仔嘅運動，都真係無咩男人會專登為睇女去做」。男網民直言，「雖然做完一次真係鬆好多，但係真係太辛苦，都係游水算，真係覺得做瑜伽女人好勁」。

有網民留言稱，「我都上咗一堂，同你情況一樣，得我一個男仔，但其他都是大嬸，都幾難做幾辛苦，動作好難做」、「瑜伽對男人嚟講係極度辛苦因為我上過，同係新人,女人做到的動作男人多數唔得本人做開gym,同瑜伽辛苦的程度係兩樣嘢」、「好同意，我玩咗一個月瑜伽，怕怕咪搞我」。

帖文轉自《一個男人與N個女人上瑜伽堂既經驗分享》