《考有Feel》被肥仔笑「竹筍波」姜濤不忿反擊：佢係一粒波

2021-04-13 17:15

ViuTV遊戲節目《考有Feel》今明播出的兩集，有MIRROR隊派出姜濤、Stanley（邱士縉）及Frankie（陳瑞輝），對戰ERROR隊肥仔（梁業）、阿Dee（何啟華）及嘉賓陳俞希（Hailey）。遊戲「瘋狂追聲族」要兩隊隊員蒙着眼，靠聽覺找到發聲大象玩具。MIRROR隊計仔多多，Stanley趴在地上，以蛙式動作尋找大象；姜濤則負責攬實肥仔阻止他。

被姜濤捉實的肥仔極力掙扎兼大叫：「你唔好捉住我，你放開我啦！」雖然他一度擺脫姜濤，可惜好快又被捉住。肥仔之後以「奪命鉸剪腳」夾實旁邊的Stanley，阿Dee亦趁機脫去Stanley其中一隻波鞋，現場一片混亂。主持小儀問肥仔，俾姜濤強勢攬實的感覺如何？他借啲意笑對方：「我Feel到佢個『竹筍波』！」受刺激的姜濤聞言即刻反駁：「我『竹筍波』？佢係一粒波啊！」全場爆笑。