被網民質疑懷3胞胎　余香凝着三點式晒超級巨肚

現年27歲的余香凝（Jennifer）去年聖誕節公佈「造人」成功，至本月初終於宣佈今胎陀B女，不時於社交網晒「孕照」的她，今日又分享了坐在酒店泳池邊享受babymoon的照片，並留言：「My babymoon. 無得飛但係都有babymoon.」相中，目前懷孕7個月的Jennifer穿上三點式，大晒籮咁大的巨肚，引來不少網民留言驚嘆：「哇，個肚大咗好多」、「好圓好大呀，生出來係個靚女，同媽咪咁靚」、「好巨形」、「3胞胎？」等，連圈中好友顏卓靈也表示：「啊啊啊好重的感覺！！依然美！！」孕肚如此巨大，難怪早前Jennifer發文稱腰酸背痛，晚上尿頻兼睡眠質素差，要安排上門孕婦按摩。