【維港會】港女結婚列送禮清單含PS5、43吋電視等 網民批厚面皮惹爭議

朋友結婚人情當然唔少得，但應該給多少往往都是一大難題。近日就有網民於討論區分享指，一名新娘製作了一張 「婚禮願望清單」並分享到社交網上，待有心送禮的朋友可以「認購」送贈。該網民直批新娘的行為「厚面皮」，惟其他網民對於送禮清單的意見不一，引發起熱論。

有網民於「連登討論區」上分享，facebook上有一名新娘因疫情問題，未能邀請親朋戚友出席婚禮，因此製作了一張 「婚禮願望清單」，待有心送禮的朋友可以「認購」送贈。清單內大部分都為電子產品及電器，包括風扇、《Monster Hunter Rise》特別版Switch遊戲主機、PS5、Microsoft office、Sony 43吋智能電視等。她更在每個帖文的最底亦會寫上 「婚禮願望清單」的資訊，該網民批新娘做法與「港女」無異，「正宗港女，到底佢係咪驚冇人送嘢畀佢？個個post收尾都要提一提」。

帖文引起不少網民的熱論，網民之間反應不一，有不少人認為新娘的做法無不妥，既方便又可以減少造成不必要浪費，而且於外國十分普遍，「如果真係熟，我覺得幾好，唔使怕買錯又唔洗買金」、「送得都一定熟啦，List咗仲方便」、「Wedding list 係外國好普通」、「北歐直程興連埋張收據送比人，唔啱用可以退」。

有網民則認為新娘每樣產品列名指定型號，價錢等，做法過於市儈，「咁樣朋友送賀禮方便還方便，呢啲野私底下傾咪得囉，擺晒出來就肉酸架啦」、「佢都幾大想頭」。

資料來源：連登討論區