全靠吳孟達一言點醒 林子聰投身演員開拓導演路

2021-04-02 09:00
獲吳孟達一言點醒,林子聰發現做演員也可幫助執導。
獲吳孟達一言點醒,林子聰發現做演員也可幫助執導。

林子聰為香港開電視節目《盼你賞面》擔任嘉賓,席間主持楊盼盼(盼盼姐)炮製「上海烤麩」,林子聰品嚐後大讚好味,仲「打包」回家吃!節目上,跟對方合拍過喜劇《大四喜》的林子聰,笑言只要有盼盼姐在場,劇組的伙食必定好,他說:「好深刻,我7歲睇《射鵰英雄傳》,記得你個角色係穆念慈,記憶中你不是太打女形象,到第二套印象深刻的劇集《楊家將》,先知道原來你係識武打!」

獲吳孟達一言點醒,林子聰發現做演員也可幫助執導。
獲吳孟達一言點醒,林子聰發現做演員也可幫助執導。
林子聰為楊盼盼主持的香港開電視節目《盼你賞面》擔任嘉賓。
林子聰為楊盼盼主持的香港開電視節目《盼你賞面》擔任嘉賓。

林子聰認為喜劇與動作戲是不能分開,一部電影加上動作戲會是更精彩。提到特技效果的出現,令動作畫面更加豐富,他即席分享了與元華拍攝電影《功夫》的趣事,林子聰說:「當年華哥知道有一幕要被秋姐(元秋)一掌打到撞穿牆、飛出街嘅戲,拍攝前兩星期就練,去跑步、健身,做足準備,直至拍攝當日要埋位,佢望住三樓,深呼吸一啖諗住上三樓拍,我同華哥講,『唔係上面拍,係嗰邊拍,行去綠布景影張360度嘅相就OK,華哥即刻大受打擊話『點解我練咗咁多年,之前仲特登去操,你話我知,原來只係影幾張相』,華哥問我科技發達好定唔好?我話對今時今日嘅你係好事,可以延續你嘅演藝生涯,而且又冇咁危險。」

林子聰與吳孟達曾合拍《少林足球》。
林子聰與吳孟達曾合拍《少林足球》。

另編劇出身的林子聰當過演員、導演、監製等不同範疇,他表示在多個範疇中,曾不喜歡當演員,他說:「以前我唔鍾意做演員,係達哥(吳孟達)同我講咗句『演員可以同導演一樣,賦予佢新形象、新生命』。嗰時做編劇,係想拍劇(執導),後來發現做演員都可以幫助拍劇(執導),到而家我一寫劇本,就會諗晒三個範疇,全部成立,我先寫。」

最新回應

關鍵字

相關新聞

熱門文章