【哥哥好嗎】獲哥哥贈磁性版《纏綿遊戲》 梁漢文首次合作被嚇窒

2021-04-01 20:30
96年梁漢文因為客串《金枝玉葉2》,有幸和哥哥結片緣,同場還有許志安。
96年梁漢文因為客串《金枝玉葉2》,有幸和哥哥結片緣,同場還有許志安。

梁漢文曾在電影《金枝玉葉2》與哥哥拍過一場戲,哥哥反應令他一生難忘,今日他在社交網貼相分享當時嘅驚喜,留言:「96年因為客串《金枝玉葉2》一角而同哥哥有一埸對手戲,心情當然非常興奮,之前一晚緊張到成晚捵(典)嚟捵去,瞓唔到覺。拍攝當日我準時09:00到達現場化妝,個腦不斷幻想哥哥出現嘅時候會係點?自己要應該點樣同呢位超級大偶像打招呼?又或者哥哥會唔會好cool咁坐低就算呢?心入面好多好多唔同嘅幻想...但係點都估唔嚟咗一個大驚喜。

哥哥竟然人未到聲先到,我未見到佢真人,但已經聽到一把好磁性嘅聲線,哥哥從遠處邊行邊對住我唱『纏綿遊戲過後..為何能捨得放手,是事實並沒有真愛....或跟本我未...看透(梁漢文歌)』. 我當時完全唔識反應,個咀(嘴)根本掩飾唔到心入邊嘅笑容,我叫咗佢一聲『哥哥』,佢拍一拍我膊頭叫咗我一聲『梁漢文』,佢跟住就坐喺我旁邊化妝...這次是我和哥哥第一次亦係唯一一次見面!哥哥你最近好嗎?」

96年梁漢文因為客串《金枝玉葉2》,有幸和哥哥結片緣,同場還有許志安。
96年梁漢文因為客串《金枝玉葉2》,有幸和哥哥結片緣,同場還有許志安。

最新回應

熱門文章