【維港會】男友謊稱加班躲快餐店「屠龍」 港女呻:連隻Game都不如

2021-04-01 15:36
男友謊稱加班,但實為與朋友打機,結果遭女網民揭穿。示意圖(網圖)
男友謊稱加班,但實為與朋友打機,結果遭女網民揭穿。示意圖(網圖)

情侶之間應該坦誠相對,近日一名女網民訴苦指,男友聲稱連續3日都要「OT」,事主因見男友工作辛苦,故打算接男友收工。誰知,事主去到公司時發現男友原來每天都準時下班,更揭發男友下班後都會在快餐店與朋友打機,事主因此大發雷霆,認為男友不應說謊欺騙她。而網民則各有不同的意見,瞬間引起熱議。

事主周一(29日)於「香港討論區」發文指,男友向她表示一連3日都要加班,沒空陪她拍拖見面。事主亦明白男友工作辛苦,所以亦打算慰勞男友,「咁我作為女朋友都想支持下佢,上星期四我去佢公司打算接佢放工,一齊去食宵夜」。

誰知事主到達男友的公司時,竟然發現公司早已關門,而男友亦表示剛剛5分鐘前離開了公司。事主於是翌日提早抵達男友公司,但仍然未見男友的跡影,「今次早少少去,佢公司仲有人,我咪問下佢係唔係度,點知佢同事話佢呢幾日好準時走咗,即係佢話要加班即係呃我啦?」。






事主發現男友在快餐店打機。示意圖(資料圖片)
事主發現男友在快餐店打機。示意圖(資料圖片)
事主直斥男友不應為了打機而欺騙她。示意圖(網圖)
事主直斥男友不應為了打機而欺騙她。示意圖(網圖)

事主得知被騙後怒不可竭,本想打電話質問男友,但途中卻發現男友正與3名男子在快餐店內打機,「我咪係喺出面望住佢,點知佢頭都無抬起過淨係掛住打機」。事主於是闖入快餐店內,並向男友大興問罪之師,期間更發現男友花錢買了一部新的遊戲機,「佢仲好意思同我講話部乜獵人特別版唔係好貴」。

男友當時未有辯駁,僅表示回去後會解釋,不過仍未能撲熄事主的怒火,事主直斥指「我明白平時返工好大壓力,想約埋朋友同事打下機都係減下壓無問題,但唔好咁過份,講大話呃我」。事主又批評男友每次打機都不理會自己,自覺「連隻Game都不如」。

帖文引起不少網民的熱議,有網民認同男友不應說謊,「公道啲講句,佢講大話係佢唔啱」、「打機咪打機,點解要講大話」,不過亦有網民認為事主應該反思男友為什麼連打機都要說謊,「如果你本身係大方,你男友就唔駛呃你」。

資料來源:香港討論區

最新回應

關鍵字

相關新聞

熱門文章