驚見1歲孻仔「跨」欄 黃祥興喊惡夢開始

黃祥興與太太Peggy育有3個小朋友，分別是大女黃晞桐（Paige）、兒子黃子晉（Tristan）及今年1月剛1歲生日的孻仔Damien，並不時會在社交網分享親子樂。
祥興今早上載的親子片段就又得意又驚險，事緣片中聽到Paige跟在BB床上的Damien玩到哈哈笑，還教弟弟伸高腳仔攀爬床邊圍欄，第一次Damien未有成功，即傳出祥興和女兒的大笑聲，豈料轉頭Damien真的攀出床外，嚇到祥興即托住其pat pat，並停止拍攝湊仔為先，更寫出為人父親的擔憂，留言：「惡夢開始了。見證佢第一次，但係心諗，如果我唔喺現場咁就大件事啦！危險到最後要cut機」。Damien樣子精靈、頭髮微長、大髀仔肥嘟嘟，引得網民大讚可愛。