星島日報

【爵屎變姜糖?】貼瘀腳相宣傳《考有Feel》小儀目擊姜濤喪屍上身咬阿Dee

2021-03-30 14:45
小儀在IG貼出花絮照片宣傳ViuTV新節目《考有Feel》。
小儀在IG貼出花絮照片宣傳ViuTV新節目《考有Feel》。

小儀、MIRROR成員呂爵安(Edan)及黃奕晨(Dixon)主持的《考有Feel》下周一(5日)首播,小儀昨晚在社交網上載節目花絮照寫道:「嗱!有圖有真相!連姜濤都咁勇猛,我拍攝時小小(少少)瘀,係預咗㗎啦~~~吓嘩!所以記得到時一定要撐我哋《考有Feel》呀!」

小儀在IG貼出花絮照片宣傳ViuTV新節目《考有Feel》。
小儀在IG貼出花絮照片宣傳ViuTV新節目《考有Feel》。
小儀、姜濤及阿Dee(何啟華)咬緊牙關自拍。
小儀、姜濤及阿Dee(何啟華)咬緊牙關自拍。

照片只見小儀、姜濤及ERROR成員阿Dee(何啟華)咬緊牙關自拍,表情相當趣緻,姜濤更突然喪屍上身,向住阿Dee熊抱加飛擒大咬!阿Dee亦好交戲做出痛苦表情,而在後面的Dixon就笑到傻咗。

大家Off cam時玩得好開心。
大家Off cam時玩得好開心。
姜濤突然喪屍上身,飛擒大咬阿Dee。
姜濤突然喪屍上身,飛擒大咬阿Dee。

一眾姜糖(姜濤粉絲稱呼)紛紛留言指偶像是「喪姜」,亦好開心見到姜濤咁投入。不過數張照片都未見Edan身影,而小儀上兩星期參加饑饉活動時又肉緊攬實姜濤,早前在《考有Feel》記者會自認是爵屎(Edan粉絲稱呼)的她似乎變咗心喎!

阿Dee表情痛苦,好交戲。
阿Dee表情痛苦,好交戲。
小儀指拍攝《考有Feel》時都玩到瘀咗。
小儀指拍攝《考有Feel》時都玩到瘀咗。
小儀在饑饉活動攬實姜濤。
小儀在饑饉活動攬實姜濤。
小儀曾在《考有Feel》記者會自爆最愛MIRROR成員就是Edan。
小儀曾在《考有Feel》記者會自爆最愛MIRROR成員就是Edan。

最新回應

關鍵字

相關新聞

熱門文章