星島日報

同周慧敏十指緊扣壓「波邊」 伍仲衡唔驚倪震呷醋

2021-03-29 12:00
伍仲衡同女神周慧敏在台上又拖又攬,坦言唔怕對方老公倪震呷醋。
伍仲衡同女神周慧敏在台上又拖又攬,坦言唔怕對方老公倪震呷醋。

《伍仲衡搞乜花臣音樂會》昨晚來到尾場,請來周慧敏、王馨平、布志綸、羅敏莊等擔任嘉賓。伍仲衡透露前晚舉行頭場演出時,因超時被罰5位數,由於場館只開放5成入座,他笑指未能回本,又叫觀眾捐錢給他。女神周慧敏連續兩晚擔任嘉賓力撐好友,二人合唱時,伍仲衡又口花花:「如果我早啲識你,倪震就有對手。」之後二人擁抱,身穿露肩長裙的周慧敏笑稱:「你唔好壓扁我(件衫)嘅波...浪邊呀。」伍仲衡同周慧敏在台上又拖又攬,坦言唔怕對方老公倪震呷醋。

伍仲衡同女神周慧敏在台上又拖又攬,坦言唔怕對方老公倪震呷醋。
伍仲衡同女神周慧敏在台上又拖又攬,坦言唔怕對方老公倪震呷醋。
伍仲衡於旺角麥花臣舉行一連兩場《伍仲衡搞乜花臣音樂會》。
伍仲衡於旺角麥花臣舉行一連兩場《伍仲衡搞乜花臣音樂會》。

布志綸昨晚演唱《一生不再說別離》懷念已故太極樂隊鍵琴手唐奕聰,一度感性落淚,轉身拭淚,場面感人。而昨晚擔任encore嘉賓的方皓玟,她直言把伍仲衡視作恩師,自爆當年收到《分手總約在雨天》的編曲時開心到喊,伍仲衡卻繼續發揮搞笑本色:「幾驚妳話難聽到喊。」之後又大讚方皓玟是靠個人實力讓人認識,即使背後沒有大公司支持,默默堅持做自己,很開心看到她成為最受歡迎女歌手。音樂會最後兩度encore,於12時05分結束。

二人十指緊扣。
二人十指緊扣。
女神周慧敏連續兩晚為伍仲衡擔任嘉賓。
女神周慧敏連續兩晚為伍仲衡擔任嘉賓。

完騷後,伍仲衡表示兩場音樂會都超時,未知實際會被罰多少錢,不過連同網上觀眾的收入,預計能夠打個和,問到如在紅館開騷會否賺多啲?他謙虛表示自己有排都未上到紅館,但作為音樂人會視紅館為目標而努力,他亦希望開作品展,但要等到適合時機。提到他與周慧敏在台上擁抱又十指緊扣,他直言擁抱是周慧敏主動的:「我將首歌改咗歌詞,最後兩個字係擁抱,佢聽到就問係唔係要擁抱,佢都問到我只好接受啦,但十指緊扣就係我自己想嘅,男女合唱好正常,我一直當佢係姐姐,佢都好支持我,喺台上都係純粹搞氣氛。(唔怕倪震呷醋?)唔怕,我哋好熟,倪震好放心我哋一齊做嘢。」

伍仲衡表示兩場音樂會都超時,未知實際會被罰多少錢。
伍仲衡表示兩場音樂會都超時,未知實際會被罰多少錢。
方皓玟把伍仲衡視作恩師。
方皓玟把伍仲衡視作恩師。
布志綸演唱《一生不再說別離》懷念已故太極樂隊鍵琴手唐奕聰。
布志綸演唱《一生不再說別離》懷念已故太極樂隊鍵琴手唐奕聰。

最新回應

關鍵字

相關新聞

熱門文章