苑瓊丹胸口不適低調入院 籲病向淺中醫

苑瓊丹接受香港開電視訪問，自爆最近因胸口不適，曾低調入院。她說：「最近咁多唔好消息，我當然唔敢怠慢，咪走去睇醫生囉，點知醫生話：你應該去睇急症喎！去到急症，急症又話：你要留院喎！就咁我住咗一晚醫院，做晒全身檢查睇下發生咩事，好在報告只係話我膽固醇偏高，需要食藥！」
苑仔稱醫生說幸好及早發現，食藥可以控制，她也要注意均衡飲食和做做運動，並呼籲大家忙還忙，都要聆聽自己身體的反應，病向淺中醫。
就黃樹棠和廖啟智先後爆出患上重病，苑仔指早前在內地工作時經常會碰到智叔，至於棠哥就好久不見，當聽到二人罹患重病時，她感到好難過，覺得做藝人的生活顛倒食無定時，身體難免會出現毛病，希望二人都能擊退病魔快快康復。