【維港會】腸胃炎入院仍被老細要求趕公事 打工仔一句「拋窒」對方
2021-03-24 14:08 
今時今日，好老闆真的可遇不可求。有打工仔日前因急性腸胃炎，須入醫院接受手術，當日已交代好工作及請假，怎料老闆之後卻瘋狂「急call」要求處理公事，甚至要脅解僱。不過該名打工仔相當醒目，竟霸氣地用一句話讓老闆語塞！
有網民在網上討論區「Dcard」上，以「啲老細個腦究竟裝咩？」為題發文，指自己日前因為急性腸胃炎而須入院兩天，當日立即就向老闆請假，亦有預先將工作交給同事跟進及處理，而老闆亦同意及批准。
怎料到樓主入院後，老闆便開始「嚟料」，竟「奪命追魂」式地致電樓主十多次，稱公司有緊急項目，要求她在假期內完成，「叫我住院都要做，真係好急」。不過，樓主入院後不但需要接受手術及各項檢查，亦因受藥物影響而難以接聽電話，「因為我食藥會好無力，會成日聽唔到電話，佢就問我點解唔聽佢電話」。
老闆的態度越來越強硬，勢必讓樓主在入院期間完成工作，更一度以解僱她要脅，「佢話如果我交唔到個design，就叫我唔好返嚟啦」。樓主對老闆的行為忍無可忍，遂表示「咁我唔做啦」，嚇得老闆急忙讓步，反問樓主「咁你想抖（唞）幾日」，然而樓主就堅持辭職，「唔做喇，我呢兩日冇可能畀到你」。
樓主請辭後鬆了一口氣，直斥老闆無考慮公司能力便輕易接下項目，令一眾同事受罪，之後自食惡果，「點解自己唔衡量下能力再接case？佢話如果畀唔到design，公司要陪(賠)違約金。哈哈，抵你死！反正我已經唔撈，你死你事，你點對人哋人哋點對你」。
樓主的霸氣回應引來大批網民留言讚好，指她非常有型，「支持唔做，公司冇當你係人」、「抵佢啦，你好好休息再接再厲，加油」、「型啊！香港需要多啲你呢啲人，先唔會咁多打工奴隸畀老細壓窄（榨）」。不過亦有網民認為樓主主動辭職好「蝕抵」，「其實你唔應該話自己唔做，應該等佢炒你，跟住你再上勞工處告佢」、「佢炒你係佢要賠錢俾你，你炒佢係你要賠代通知金俾佢喎」。
資料來源：「Dcard」
最新回應