【維港會】賤男另結新歡拋棄大肚7個月女友 女友徬徨：覺得自己好失敗

發現意外懷孕時，生不生下來是母親最艱難的抉擇。近日一名19歲的女網民在討論區指自己本來因為意外懷孕而決定與男友結婚，但是懷孕7個月時，男友突然表示愛上另一個女生要分手，令她非常徬徨。

該名網民早前於Dcard討論區上以「有咗七個月男朋友突然之間話分手」為題發文，她表示與男友計劃好年尾擺酒結婚，但男友突然向她提出分手，稱「同咗第二個女仔一齊，嗰個女仔係佢鍾意咗好耐」，網民當時問「咁個肚點算」，男友表示不知道，但指會負責任。

網民因為分手一事感到非常徬徨，「聽人講五個月都已經落唔到，而家完全唔知點好，唔通小朋友出世就冇咗家庭咩，就算佢肯負責任供書教學又點，咁我將來做單親媽媽又點，我完全冇經濟能力」。

網民指，當時是男友說服她留下孩子，並承諾過她「會結婚會返工養家」，而她就可以在家照顧小朋友。她無奈表示，「本來仲諗住可以有個幸福家庭，而家搞到又落唔到仔又好抑鬱咁大住肚」。

她續指，因為自己只有19歲，本來已經因為懷孕而與家人吵架，更因此搬到男友的家，現時不知道去那裡住，謂「覺得自己人生好失敗」。

帖文引起網民關注，不少人都大罵樓主男友的行為，認為他「好冇責任感...」，又有人斥其男友及新歡「咁樣都做得出」。

有人則建議樓主「搵母親的抉擇幫手，佢哋會幫到你，搵地方落腳先，之後再諗小朋友點」、「你可以同屋企人再商量下，唔掂嘅就真係去搵機構幫手，唔需要覺得你係害咗個仔，你依家可以慢慢再諗清楚你會點樣看待你個B，調整返自己嘅心態」。

另外，亦有人認為「其實你自己本身都冇做母親既覺悟，只係希望另一半包你食宿比錢養大個小朋友，感覺好似為滿足自己想組織家庭、留住另一半而有小朋友」。

資料來源：Dcard