【維港會】港女失業期間充實自己 面試遭詰：咁開心不如繼續

受疫影響下，不少求職人士搵工變得更加困難，面試時更加要「過五關斬六將」。近日就有一位失業的女網民於網上吐苦水，指面試時遇到面試官存心刁難，態度頑劣更出言冷嘲熱諷，令她感到受辱。她更怒言，「見工見到咁我都喺第一次，一啲尊重都無！」

女網民日前於「連登」網上討論區留言指，早前到一間中介公司面試，該名面試官疑似中年男人，不肯定是否HR，但談吐則似老闆的口吻。女網民在自我介紹之後，面試官提出一條情景題，「如果聽日有個大project要交，臨時個客有嘢要改，你果晚又要睇演唱會，你會點做？」起初女網民回答表示會在一大清早回家公司處理，但及後他再追問，「萬一你改唔切呢？」女網民亦回答，「咁我唔睇演唱會改。」該名面試官突然指責，「你啱先唔喺咁講嫁」，並解釋需與其他同事配合。女網民不甘反問，「咁請問喺你嘅話會點做呢？」，面試官亦不答反問，「咁要問你自己啦!」

其後，該名面試官詢問女網民失業後的「空窗期」，女網民亦表示在失業期間亦有充實自己，惟他竟回答一句，「咁開心不如咁樣繼續落去啦！」令到網民頓然感到受辱，更忍不住怒批，「啲語氣臭到好似我求佢比offer我咁，見工見到咁我都喺第一次，一啲尊重都無！」

帖文亦引起不少網民的迴響，有網民表示應該最初就要回答不去睇電影，並指面試都只一場戲，應調整自己心態不需過於較真，亦有網民指面試的對答亦反應到公司的文化較古老，認為事主未能成功獲錄取亦是好事。