【Juicy叮】公司佈滿CCTV監視員工 網民嘆：同坐監無分別

打工仔最希望可以輕鬆工作，不過近日有網民訴苦，指公司裝滿CCTV（閉路電視），員工無時無刻都被監視，一旦員工離開CCTV的範圍，老闆便會立即致電員工，令事主嘆「同坐監無乜分別」。

事主上周六（6日）於「香港討論區」發文，指自己在一間售賣高檔貨品的公司任職，大約有40名員工。但奇怪的是公司內部佈滿多部CCTV，「老闆娘每天都望住個mon，每天都留意員工一舉一動」，事主又指「老闆娘仲會Zoom大個mon睇吓你電腦做緊乜嘢」，他形容「完全失去自由同坐監無乜分別」。

事主直指老闆時刻在防範員工，「當員工行到一個CCTV嘅盲位，員工電話會立即響，老闆會打嚟問你做緊乜嘢，而有親戚關係嘅同事立即會出現喺你面前，睇吓你做緊乜嘢有無偷野」，令事主感到十分恐怖。

事主又指，老闆曾拒絕員工於上班時間使用手機，「又同我講公司買你9個鐘，你嗰9個鐘係公司嘅，完全係坐監無分別，話同事唔聽指令，當同事係狗咁訓練，要聽佢指令先可以做」。事主其後忍受不住這樣的工作環境，最後辭職轉工。

帖文引起網民熱議，有網民表示現時不少公司都有CCTV，不足為奇。但亦有網民認為該公司的做法過火，「咁樣返工都幾大壓力」、「或者係你老闆做得衰嘢多，被害妄想症」。

資料來源：香港討論區