賴慰玲一家三口Car Camping 蔡思貝明做電燈膽阻住晒

因為疫情冇得去旅行，所以流行自駕露營Car Camping，蔡思貝同賴慰玲都加入玩埋一份。尋晚兩人分別在社交網上載多張露營照，相中兩人坐喺營幕前，有帳篷遮住就唔怕落雨啦，加上又有燈，露營嚟講相當光猛。雖然二人也hashtag(sheshe)但照片中除了呢對好姊妹外，仲有賴慰玲個仔同佢老公。

着晒長Boot去露營嘅蔡思貝留言:「不同階段，不同的感動時刻。」兩人亦在限時動態上載多張食物相，包括自製一日鮮馬友魚，仲有肉有包同埋好大粒嘅士多啤梨，晚餐相當豐富，仲未算呀，佢哋仲晨早6時20分起身睇日出，係過癮嘅。