唱Live伴奏及燈光突然熄咗 姜濤嚇到成頭問號

MIRROR成員姜濤昨晚在社交網上載片段，演唱他的歌曲《愛情簽證申請》。本身唱得好好哋，但突然伴奏同燈光都開始熄，嚇到姜濤呆咗唔識反應，連續「吓？」、「哦？」、「哦！」，完美演繹「姜濤問號」！直至經理人花姐Double confirm音樂燈光驟停係因為錄影完畢，唔需要唱完餘下部分，姜濤先放下心頭大石並表示「我心諗做咩...」，唔知姜濤係咪未遇過呢種情況呢，Post片時依然留言12個「？」號，又叫一班姜糖（姜濤粉絲名）們睇到最後，可愛又搞笑！