【三八婦女節】郭奕芯露乳溝為自己打氣 冰冷馮盈盈同郭少芸撞樣
2021-03-08 17:00 
今日係「三八婦女節」，唔少為事業而拼搏緊嘅女藝人好似郭奕芯、李佳芯、胡定欣、港姐謝嘉怡、馮盈盈等，分別喺社交網發文為自己打氣。其中以33C郭奕芯真空上陣，中門大開露「乳溝」最吸睛，從黑白相中突顯型格，加埋把長長濕髮，好性感。她留言：「無論怎樣，你都要很努力，知道嗎？」網民叮囑她加油同時，大讚她係「女神」。
網民取笑馮盈盈嘴唇中咗毒
至於「話題女王」馮盈盈束了一個新髮型，配埋黑唇色，變身cool爆黑貴婦，她以英文留言：「每個成功女人嘅背後，都有一班女人支持住。」唔少粉絲大讚盈盈冰冷新造型既好睇又出眾，但竟然有人指她同郭少芸撞樣，又話她嘴唇中咗毒，毒性好嚴重，相當搞笑。
單身李佳芯修剪煩惱絲自強
傳回復單身的李佳芯(Ali)，修剪咗「三千煩惱絲」，換了新髮型額前有瀏海。Ali同樣身穿黑色外衣，精神奕奕亮相，留言「夢，就是要奮力追來」，fans大讚新髮型好睇又襯她，又叫她加油，沿途一直會支持她。
清純謝嘉怡唔要後悔每一天
而化咗個靚妝，依然清純謝嘉怡(Lisa) 發圖文，表達格言係：「永遠唔要後悔每一天，好日子係帶畀你幸福；壞日子成為我哋成長嘅經驗。」
關鍵字
最新回應