【維港會】男友嫌攰拒陪露營港女另約男伴釀冷戰

2021-03-07 11:29

情侶間的拍拖活動多籮籮，不過若兩人對活動的意見出現嚴重分歧，又應如何處理？有女網民欲與男友一同去露營，但對方就以太累為由拒絕，於是她便另外相約一名男伴同行，引起男友不滿。不過，女網民卻認為男友小器，甚至指男友「有啲廢」。

該名女網民在「香港討論區」發文指，早前趁假期與男友齊齊去了露營，雖然過程辛苦，但她就認為樂趣無窮，就向男友提出假期時再去一次，卻遭對方以「好攰」為由拒絕。樓主並無放棄去露營，但就相約一名工作時遇到的男客人。她指對方露營經驗豐富，又主動約自己樓主，各先帶一個帳篷露營，並稱會順道教授露營技巧。

樓主答應後，將此事告訴男友，便遭到對方強烈反對，兩人大吵一架，更陷入冷戰。不過，樓主就認為男友的反應過大，而且對她欠缺信任，又表現小器，「我男朋友講咗啲好難聽嘅說話，侮辱咗我同我呢個客人。其實人哋都係知道我鍾意去露營，好心想分享佢嘅經驗畀我呢啲新手。大家話我男朋友係咪好唔信任我同十分小器？」

樓主補充，之後打算多約一名女性朋友同行，男女在各自的帳蓬睡覺，以此釋除男友疑慮。但她坦言經此一事，就認為男友不夠刻苦耐勞，相比之下，男客人顯得更有魄力，「講真，開始覺得男友有啲廢，去露營孭少少嘢都話辛苦，男客人呢啲可以成日自己一個去面對大自然，呢啲先係真男人。」

不過，網民看後，幾乎一面倒認為男友不滿很正常，提醒她應該要避嫌，「你男友擔心你啫，只不過佢唔識表達你聽」、「佢信得過你，信唔過你個客」、「掉轉角式（色）諗吓自己又接唔接受到男友約女去露營……有伴侶就有啲事可免則免」、「好心你做得人地女朋友識得避下嫌啦」、「我唔明點解係要做啲使另一伴覺得無安全感的事」。

香港討論區原文