【維港會】難忍樓上兩童日夜製噪音 網民投訴反被家長斥:有邊家小朋友唔嘈㗎?

2021-03-07 10:51
近日就有網民在網上投訴,樓上單位有兩個小朋友,過去一年日日夜夜都發出不同的噪音。網圖
近日就有網民在網上投訴,樓上單位有兩個小朋友,過去一年日日夜夜都發出不同的噪音。網圖

鄰居的噪音問題已成了不少港人的困擾,連藝人馬浚偉亦飽受鄰居深夜發出噪音滋擾,甚至更在Facebook開設了「香港住所噪音滋擾受害者大聯盟」專頁,吸引不少苦主留言。近日就有網民在網上投訴,樓上單位有兩個小朋友,過去一年日日夜夜都發出不同的噪音,令他亦深受困擾,當他向其家長投訴情況時,竟被反斥:「有邊家小朋友唔嘈㗎?」

有網民於《生仔要考牌系列》專頁投稿指,樓上居住一家四口,兩個小朋友年約4歲及10歲。由於受到疫情的影響,兩個小朋友只能留在家中消遣。但在過去一年,兩個小朋友日日夜夜都發出不同噪音,如跑跑跳跳、放玩具在地板度碌、尖叫等等,甚至到夜晚11至12點都不肯停,令到該網民亦深受噪音滋擾影響。

該網民向小朋友家長投訴時,竟被反斥:「有邊家小朋友唔嘈㗎?小朋友仲細,嘈好正常,咁你而家想點丫?」網民頓然感到十分無奈,並慨嘆,「又一單『他只是個孩子』系列。」

該帖文亦立即變了苦主圍爐區,不少人紛紛留言苦訴自己同樣飽受噪音滋擾,「我剛剛樓下都搬來一家人,有三個孩子。一樣係超嘈。我唔介意佢哋正常時間嘈,但我會好奇點解去到凌晨都可以容讓佢玩?讓佢尖叫?難道家長,孩子都唔駛返工?返學?但我好感恩佢只係住我樓下」,亦有建議網民應回敬該名家長,「無家教個啲咪係咁囉」,甚至有網民提議,「趁佢地或個仔瞓咗先嘈返佢地 」、「半夜兩點,㩒門鐘同佢哋傾下 !」

資料來源: 生仔要考牌系列

關鍵字

最新回應

關鍵字

相關新聞

熱門文章