講3次好失望被誤傳婚變 葉翠翠遷怒老公：想一錘打扁佢肚腩

葉翠翠於2015年嫁給建築師周曉東，婚後誕下三子，減少幕前演出，成功轉型做KOL，並專注照顧家庭。不過翠翠日前在社交網留言三度說「好失望」，並指為家傾盡所有，毫無保留，即引起網民揣測她與老公似出現問題。
翠翠昨日發文解釋：「真係估唔到，簡單一句『好失望』會另（令）大家諗咁多嘢，在淡淡的湖水泛起了漣漪。其實當日係關於工作，唔明點解有人可以連奶粉錢都要呃，扮同你做朋友其實係有目的，對呢個人好失望…唔多講了，一言難盡。」貼上老公和仔仔對視而笑溫馨照的翠翠續謂：「至於爸b 呢…減肥失敗，半夜食雪條食薯片飲汽水，又懶唔做運動，佢話係幸福肥喎，真係想一錘打扁佢肚腩 係絕望唔係失望 搞到我啲說服力低晒，連自己老公都減唔到個大肚腩叫人哋點信我啫 講明先呀，係爸b 拒絕減肥，唔係我啲方法唔得」。
然後翠翠再貼老公抱住囝囝都擔任支雪條做證，留言：「放工返屋企就即刻食雪條 就算一日一條都冇問題，一日4條就有問題 決定今日開始練習還原靚靚拳，一拳打扁佢個肚腩 練成再教大家」。