【維港會】「皇親國戚」呼喝換水樽 打工仔秒速神還擊

2021-02-25 14:09
打工仔拒絕「皇親國戚」呼喝要換樽裝水。資料圖片
打工仔拒絕「皇親國戚」呼喝要換樽裝水。資料圖片

職場中人際關係複雜,一旦涉及「皇親國戚」就更麻煩,若搞不好得罪了大老闆就認真頭痕。有打工仔在《辦公室日報》專頁道出一段在家族公司打工,被「皇親國戚」撻朵呼喝換大水樽的經歷,打工仔發火向皇親國戚神還擊兼劈炮走人,姿態英勇,獲食花生的網友們力撐。

該打工仔撰文透露早前到一間家族經營的公司打工,不少同事都是老闆的親友,「公司裏面嘅皇親國戚多到數唔晒」,根本防不勝防,曾有同事沒有做錯事卻要「食死貓」,面對高層發火大罵仍獨力承擔。打工仔後期才得悉做錯事的人是老闆親戚的舊同學,故不用「孭鑊」。打工仔入職之初更向某同事抱怨一名「老女人」員工整天遊手好閒,言談無禮,上班遲大到,後來才知「老女人」是老闆的親妹妹。

打工仔其後終於與「皇親國戚」交鋒。他當日在茶水間拿飲品,看到一名年約廿多歲的男員工站着不動,見到打工仔後即叫喚他換大水樽,事主拒絕並心諗:「你又唔係女,我亦唔係你隻狗,你要飲水梗係自己換啦!」正當事主準備轉身離開,該名男員工囂張地催促:「換嗰陣記得抹乾淨個樽口呀,好多塵㗎!」

事主忍不住反擊,直斥對方「你要換自己換啦!有手有腳,廢㗎你?」對方使出「撻朵」攻勢:「你知唔知我老竇係邊個?」事主沒有退讓,即時反擊:「你老竇係邊個,返去問你阿媽啊嘛,我點知你家事呀!」兩人在茶水間吵大鑊迅即傳開,公司高層召事主入房要求解釋,事主即炒老闆魷魚,由於他入職未足一個月,可直接離開公司輕鬆走人,他直言劈炮不可惜:「喺呢間家族公司做落去就真係可惜啦。」

網民紛紛認為事主劈炮不可惜:「走得好,走得妙,做落去都無咩前途」,「呢啲公司早走早著啦,點夠佢哋一家人玩 」。多數網友認為在家族公司打工是難頂加難頂:「記佢啲親戚關係圖、邊個三姑同邊六婆唔啱…仲慘過跑數 」、「呢啲公司竟然唔執嗰吓勁」、「𠵱啲垃圾公司,做落去都唔開心,早走早着」、「呢的垃圾公司,坐多一日都浪費多一日生命」。

資料來源:辦公室日報

最新回應

關鍵字

相關新聞

熱門文章