周柏豪菊梓喬被指失勢 吳若希有望重奪星夢一姐寶座

吳若希（Jinny）與師妹菊梓喬（Hana）屢傳爭做「星夢一姐」，兩人惡鬥4年，升呢人母的Jinny就把重心放到家庭上，但隨着星夢娛樂行政總裁何哲圖（Herman）於本月底離職，只屬半個TVB「親生女」的Hana失去靠山，地位岌岌可危！雖然跟星夢的合約快將屆滿，但有傳Jinny對「歸位」充滿信心！去年11月再做媽咪的她暫休一段長日子，今日終於復工出席TVB為國際唱片業協會（IFPI）協辦的「音樂永續 樂壇同享」計劃記者會，並與星夢一哥一姐周柏豪和Hana一同受訪。

對於續約重奪星夢一姐地位，Jinny笑言：「首次工作個腦轉唔切，我喺屋企一直都係一姐，身邊嘅人都姓何，全哥（何麗全）又姓何真有緣，續約事宜仲洽談緊。」提到Herman將發展個人音樂事業，Jinny表示自己是TVB和Herman湊大，所以任何一邊需要她也會幫手。至於被指失勢的Hana自稱從來冇認係一姐，她說：「我都係做好音樂，所以唔擔心。」並謂暫時未受影響，又期待未來發展。

被問到怕否「星夢一哥」地位會動搖？柏豪說：「一哥係人哋標籤，我只不過係返工，冇咩一哥、二哥、三哥，反而我想喺屋企有地位，因為而家讓咗畀囡囡。」提到TVB與三大唱片公司破冰後，《勁歌金曲頒獎典禮》將會多了競爭，柏豪指百花齊放，對觀眾和歌手都是好事，「歌手多啲平台亮相，我又可以見到其他歌手一齊玩，我入行嗰陣係咁，都幾開心，今日係大日子，希望公司發展一直好落去。」