【維港會】男童踩單車探半身出窗社工跟進 母罵兒「我真係好憎你」

有網民早前在社交網站投稿，表示多次發現鄰居兩個幼童無戴口罩在走廊玩，某次更試過踩在單車上、半身探出窗外張望，引起網民熱議。投稿人近日透露，他已將相關相片交由社會福利署跟進，惟有社工上門跟進事件後，聽到幼童被媽媽責罵「我真係好X憎你」 。

網民早前在社交媒體Facebook專頁「生仔要考牌系列」表示，自己所住的地方同層鄰居兩名小朋友經常在走廊盡頭玩，一名男童更試過有三分之一的身體探出了走廊窗戶，甚感擔憂，故此致電大廈主任，叫對方提醒小朋友的父母要多加注意他們的行為。投稿人近日再次於同一專頁投稿，指大廈主任之後看到相片後亦知事態嚴重，故此已即時致電家長相談相關事宜。

投稿人表示，雖然之後數天留意到小朋友較少到走廊玩耍，惟小朋友嘅行為仍然無變，感到十分無奈，決定將小朋友半身探出窗外的相片交予社會福利署：「我哋都唔知可以做得到啲乜，我哋就send咗相俾社會福利署。」大約兩天之後，便有疑似社工嘅人上門搵個家長，而投稿人於之後的數天都聽不到小朋友在走廊玩的聲音。

然而，事件尚未結束。投稿人有一晚在家內又聽到鄰居「咆哮式」責鬧兒子：「我真係好X憎你呀！你知唔知你唔喺屋企嗰幾日幾好呀？如果唔係因為你哋，我使搞成咁？」 投稿人表示，聽到後與丈夫第一個反應是覺得小朋友真是很慘：「你話對小朋友搞成你咁嘅同時，你又有無諗過，可能對小朋友大啲都會同返你講：『你咁憎我點解又要生我？你又有無問過我想唔想出世呀？』」

投稿人指，最近幾天男童似乎已被禁止踩單車，只可以玩滑板車：「唔知係咪阿媽終於覺悟呢？不過呢家人都唔係好信得過，老公話再見到多一次就會報警㗎啦！」他在文末不忿地說，奉勸自問自私無耐性的人不要生仔，無謂在小朋友頑皮時就說他影響自己人生：「帶個套先做愛都係用多你少少時間㗎咋！但會救回你個好寶貴嘅人生！」

帖文再次引起網民熱議，有人指父母與子女其實是雙向關係：「你點教佢，佢咪係點囉 」、「小朋友望落去都5、6歲，冇理由唔知咩叫危險，個家長根本就係放養」。亦有人認為父母怪責子女不合理：「咁佢哋當初係為咩而生？其實佢哋有得選擇生唔生！唔好成日郁啲就鬧小朋友，啲小朋友好慘！」、「呢個老母買個套唔得既？係要怪責無辜小生命！小朋友佢有得揀來唔來呢個世界咩？」

「生仔要考牌系列」原文：https://www.facebook.com/parentlicenses/photos/a.194781088077005/736361333918975