【維港會】鄰居凌晨兩點沖涼聲似落大雨 網民大呻：好滋擾

每個人生活習慣都不一樣，將軍澳一名網民就在社交群組發文抱怨，指鄰居經常凌晨兩時洗澡，感到十分滋擾，引起網民熱議。

一名網民在 Facebook 一個住戶群組發帖，控訴鄰居經常凌晨一時許兩時才沖涼，每次都沖半小時以上，令他感到很滋擾。樓主表示，由於所住樓層間隔薄，故此平常鄰居洗衣機洗衫、吵架聲、說甚麼話都聽得很清楚，而沖涼聲亦無可避免。

樓主在帖文寫道：「老實講，如果唔係嘈，我唔會理你沖涼十個鐘，甚至唔想理你有幾浪費食水，或者你好有錢係富豪，沖涼要洗十個鐘先夠乾淨囉~我每晚聽到隻水量係感覺半小時都好似落大雨，甚至每晚都被水圍住~感覺遇溺咁囉」，又稱自己不是別人沖涼都要理，但大家明知樓層之間薄，就不應如此自私。

有遭遇同一境況的居民在帖文下留言，表示感同身受：「我樓上嗰位都係，無一兩點唔去沖涼，開廁所門、沖廁、淋水、溢交、全部聽得一清二楚⋯⋯唯有帶耳塞瞓覺」不過亦有人對樓主抱怨感到無奈：「真係慘，收工2點返到去沖涼仲要呀支呀左比人」、「好心你唔好2點咁早就訓啦一係⋯⋯」、「咁樣都叫自私？可能人哋啱啱放工，返嚟沖個涼都要俾人話真係慘」。

亦有網民建議樓主考慮搬屋：「叫佢住村屋啦～要全橦喎🤣🤣🤣咁咪半夜無人沖涼嘈住佢囉～」，有網民則建議當事人可以戴耳塞，或者睡房加隔音層：「連喺自己屋企幾點沖涼沖幾耐嘅自由都冇，好慘。其實可以同隔離屋一齊傾下，一齊痴隔音板之類，人哋可能根本唔知啲隔音咁差」。