星島日報

【維港會】遇上車買家失業不獲按揭恐撻訂 換樓業主崩潰驚積蓄無晒

2021-02-11 15:14
有業主打算賣舊樓換新樓,卻遇上買家財困。示意圖片
有業主打算賣舊樓換新樓,卻遇上買家財困。示意圖片

近月樓市活躍,但有打算樓換樓的女業主在網上求助,稱遇上車年輕買家停薪不獲銀行批按揭恐要撻訂,她亦已經簽約購入另外一處新居,新居上手業主也是同步賣樓換樓,一旦資金周轉不靈驚火燒連環船。買家「真係問我借錢,佢話真係籌唔到錢,可唔可以借幾萬蚊畀佢」,令她大受打擊,「大把人樓換樓都無事,係我咁黑撞著呢啲無腦買家」、「睇佢咁樣真係分分鐘累到我儲咗咁多年既積蓄一下子無晒」。

女業主在「親子王國」討論區內發文,指「新買家突然同我講佢按揭出現問題,分分鐘搞到我新買入嗰度都要撻訂,好驚呀」她又斥,「我都唔明啲人點諗嘢,服務業停薪都唔係一兩個月既事,咁你都諗買樓,係你有問題喎,依家仲要累死我 」。

女業主十分無奈,2邊都交了「大訂」,新買家申請按9成,她本人則申請按6成,新居已經借匙裝修預料4月中成交。女業主解釋,「佢(買家)開頭父母係畀一成首期佢,不過原來佢擔保人係做美容業,停業咗咁耐,佢都夠膽坐定粒六,而且買家本身只係一個搵萬幾蚊嘅年青人。佢呢個人工銀行只係批到佢百幾萬按揭,所以佢一係要搵到新嘅擔保人,一係佢要做六成按揭自己嘔四成,佢而家就嚟籌到四成首期,不過有三十萬已經係要問人借」

她又透露,年輕買家是受經紀「跣佢」,「佢第一次買樓咩都唔識,依家出事完全唔理佢,佢都好無奈,同埋呢個agent有前科,行內出晒名,仲上過新聞」。

有業主打算賣舊樓換新樓,卻遇上買家財困。示意圖片
有業主打算賣舊樓換新樓,卻遇上買家財困。示意圖片

女業主呻,禍不單行是「原來我新樓個業主同我一樣,未成交就已經落咗新樓訂,依家又燒多條船,唔知點死,人地仲要買貴樓」,「現在唯一嘅方法就係我呢個買家成功上到會,如果唔係點計都死,淨係印花稅如果15%要硬掘嘅話講緊要洗多近百萬冇得退」,她「除咗撻定別無選擇,因為講緊我要籌嘅錢係拍得住我新樓full pay,如果我嘔得出就唔使冒險啦」,「我成晚訓唔著 真係精神,壓力崩潰。我自己按揭已經批咗,我資料齊全乜都準備好,原先重開開心心咁借匙裝修,臨清拆嗰一刻突然同我講新買家批唔到按揭,真係晴天霹靂。天啊!why me」。

事件引發網民熱議,有過來人說「其實2邊都慘,快啲諗辦法啦,我都剛成交了之前間屋,我一直都唔敢畀新果度住,就係怕呢件事發生,我收哂錢而家可以安落去睇樓」。

有人則批評發文者,「自己層樓都未搞掂,懶醒咁走佢即刻買第二間,呢個風險其實你自己都要自負囉,仲好意思話人哋用嗰度諗嘢。」、「樓換樓就有呢啲風險,你自己都有責任,佢都唔想無咗份工。而你都唔想呢個買家最後買唔到樓,你地都係一樣咋」

最新回應

關鍵字

相關新聞

熱門文章