【維港會】婆婆翻垃圾桶撿剩飯拒施捨暖男妙計贈飯盒及500元

2021-02-05 11:23

本港新冠肺炎疫情持續，市民的生計都大受影響，更不用說一眾基層人士。有網民日前目睹有婆婆翻找垃圾桶翻找吃剩的飯盒，感到非常心酸，於是作出一連串窩心行動，獲網民大讚！

男網民「王日權」在社交媒體Facebook群組上載圖片，指某日凌晨在葵涌光輝圍附近泊好車，剛巧目睹一名婆婆從垃圾桶中翻找出兩個吃剩的飯盒，並將裡面的飯餸撥成一盒。樓主見狀立刻上前阻止，表示「唔好食，會肚痛㗎」，又提議給予對方數百元買飯盒，不料卻遭對方拒絕，「唔使，我有手有腳唔會餓死」。

樓主被拒絕，但仍相當不忍心，於是便趕忙跑到公園對面的餐廳買了兩個飯盒，又在膠袋內放了一張500元紙幣，向該名婆婆表示「兩盒飯我買錯咗諗住掉嫁喇，婆婆你要唔要，唔要我真係掉㗎喇」。樓主一再堅持下，婆婆最終不好意思地接受了飯盒。但之後婆婆又發現膠袋內的紙幣，想歸還給樓主，但樓主就對她說「張紙（幣）有異味同有啲污糟，我都係拎去掉」，婆婆默不作聲，並不斷點頭講「多聲多謝」，最後拿著飯盒繼續執垃圾。

樓主事後表示「好心痛」，認為自己「好似幫唔到啲乜」，又呼籲網民「掉吓新鮮飯畀個婆婆」，希望有人「可以真係幫到佢」。網民亦表示「睇到喊」，「睇見呢段說話真係眼濕濕！點解而家香港要咁樣對啲老人家呢？」、「心酸～～多謝樓主嘅付岀」、「好洋蔥呀，願婆婆冇病冇痛，身體健康」、「多謝師兄」、「樓主真係好好人」。