【狂問候老母】網民留言恥笑偷食「呃蝦條」 保錡@ERROR直播爆粗43次還擊

上月初，ERROR成員保錡與沙律（張沛樂）甜蜜認愛，但就被Model正印賴嘉賢（Carrie）上載千字文大爆男方從未提分手，更指他與自己拍拖時已到處與其他女生Flirting，直至對方承認戀情的新聞一出，才知道自己「被分手」。之後再有女健身教練在IG爆保錡的偷食臭史，力斥去年10月，保錡與Carrie仍未分手時，依然約她開房上牀，保錡更拍性愛片集郵，該健身教練指事件令她感到非常內疚。事件發酵近一星期，保錡最後應Carrie要求在IG撰文公開道歉，之前保錡否認一腳踏兩船，但道歉此舉令不少網民認為他默認偷食，而該道歉文已被保錡Delete。


本周二，跟沙律打得火熱的保錡在社交網與女友一齊開Live，其間保錡邊用YouTube播自己的MV邊同網民傾偈，由於有網民留言挑釁保錡，例如指他「呃蝦條」、又取笑他與藝人八両金似樣。保錡即以粗口還拖：「X你老母咩，呃蝦條，真係好X好笑你老母。真係好X好笑，X你，我哋Keep住拍緊拖佢話呃蝦條，笑X咗。葡萄X，你阿爸阿媽都係呃蝦條啦X，唔呃蝦條點生你出嚟？」沙律亦有在旁陪笑，並笑網民活喺幻想世界，還語帶輕挑地說：「咁呢個世界上阿爸阿媽都係呃蝦條。」明撐男友爆粗行為。對於網民提到性器官，保錡輕挑回應，「你都戇XX，粗幼都唔關你事啦傻X。」

當見到有網民留言指他似「八両金」，保錡更讀出該網民的ID，並以一連串超低俗粗口回罵對方：「X你老母，知唔知八両金乜X嘢樣呀？X你老母我見到你Icon，睇唔X到你個樣，但覺得你好X似八両金呀，X你老母，你同八両金一樣有眼耳口鼻㗎X頭。」


有網民指「不如你試吓尊重吓人」時，保錡亦以粗口回覆：「我X你老母啦X頭皮，你有冇尊重我呀X你老母？X你老豆縮埋一舊，你乜X嘢八両金X你老味，我都未話你唔X尊重我，X你舅父呀？戇XXX。」之後再有網民叫佢唔好講粗口，保錡繼續鬧，「我唔講粗口關你X事咩，個個香港人都講粗口㗎啦。」網民即留言問佢「公司有冇話過你?」保錡繼續以老粗式回答，「X你老母你返學咩?個個都講粗口㗎啦，你睇我啲節目都有講粗口，嘟咗之嘛。」


網民見保錡愈鬧愈過癮都叫佢注意吓，保錡稍為溫柔回覆，「有注意㗎嘞，冇講咁多㗎嘞，X你老母。」網上流傳的短片長約5分鐘，當中保錡瘋狂爆粗43次，最高峰有147人收睇，但粗口內容來來去去嗰幾款，大佬前大佬後，Non Stop問候網友老母。

雖然對住Haters好大反應，不過保錡都有錫住女友及Fans。保錡在直播播放自己的歌曲，有網民提議他下次可跟沙律合唱，他即時大讚女友早前在錄音室錄Demo時表現唔錯；而有Fans一開始的留言惹保錡反感，不過經對方解釋無惡意後，他也大方表示原諒。


對於保錡開Live瘋狂爆粗嚴重影響ERROR形象，記者就此事先後以Whatsapp及致電聯絡經理人花姐，但截稿前仍未回覆，相信經歷過唔少風浪嘅花姐都諗唔掂點拆。