陪媽咪去街市買料整蘿蔔糕 Cheronna@SG皮膚黑被誤當外傭

2021-02-03 14:15

農曆新年就快到，Super Girls的Cheronna（吳嘉熙）就陪媽媽一齊去街市買材料整蘿蔔糕。廿四孝的她更主動幫媽咪拎嘢，不過途中就發生蝦碌事。Cheronna在限時動態分享：「同媽咪去街市買整蘿蔔糕嘅料，我又冇出聲默默幫手攞嘢，然後D（啲）人同我講英文，因為以為我係工人姐姐。」文字已經夠心酸，Cheronna更將相片變成黑白色，又加上托頭Sticker，隔住屏幕都Feel到佢嘅無奈。

冇圖冇真相，Cheronna再貼出自己去街市嘅打扮畀大家投票。相中她穿着軍綠色衛衣加冷帽，左手拎住兩大袋裝滿的紅色背心膠袋，右手則拉住購物車仔。結果有74%網民都表示激似外傭姐姐，連求安慰嘅Cheronna都好灰心，忍唔住自嘲：「我懷疑投F*CK NO（嘅人）有機會係唔識睇中文，以為係評價我呢一身打扮。」