星島日報

【獨家】講舊史多歌迷全屬虛火 許廷鏗曾被TVB迫上一線驚到失準

2021-02-02 20:57
許廷鏗曾被TVB迫上一線喺《勁歌總選》掃三獎,但滿足程度及不上奪今年商台《叱咤》「男歌手」金獎。
許廷鏗曾被TVB迫上一線喺《勁歌總選》掃三獎,但滿足程度及不上奪今年商台《叱咤》「男歌手」金獎。

因為擔任《全民造星III》評判講嘢有Point,許廷鏗(Alfred)被網民大讚從而吸納大堆Fans。入行11年,離開TVB三年的Alfred靠自己首奪商台《叱咤》「男歌手」金獎,想當年Alfred曾被TVB捧到上天,講起舊史,Alfred語重心長:「大樹雖然好遮蔭,但長期受溫室保護,會形成自身有缺憾。」話中有話,金牌評判果然有料到。採訪:方騫平 攝影、譚壹致 髮型:Derek [email protected] 化妝:Khaki Yan 服裝:LAKH supply 場地:The Wave

許廷鏗曾被TVB迫上一線喺《勁歌總選》掃三獎,但滿足程度及不上奪今年商台《叱咤》「男歌手」金獎。
許廷鏗曾被TVB迫上一線喺《勁歌總選》掃三獎,但滿足程度及不上奪今年商台《叱咤》「男歌手」金獎。
溫室成長

許廷鏗提及昔日喺TVB嘅日子,對頻頻曝光同人氣習以為常,之後唔識面對真實社會。
溫室成長 許廷鏗提及昔日喺TVB嘅日子,對頻頻曝光同人氣習以為常,之後唔識面對真實社會。

《勁歌總選》日前舉行,大部份獎項分晒畀自己人,其中胡鴻鈞更連掃5獎,較當年力捧中嘅許廷鏗仲要多兩個獎。經歷過「虛火」階段,令「長大」咗嘅許廷鏗有更深體會,「大樹雖然係好遮蔭,但長期受溫室保護,會形成自身有缺憾,有啲嘢係唔識面對嘅,當你以為自己有好多歌迷,其實你未面對過真正嘅樂迷。呢啲喺入面(TVB)學唔到,而我出咗嚟,經歷過呢個階段,眼見反應大不如前,先發覺呢個就係真實嘅社會!」

全靠自己

離開大台三年幾,許廷鏗今年終靠自己奪商台《叱咤》「男歌手」金獎。
全靠自己 離開大台三年幾,許廷鏗今年終靠自己奪商台《叱咤》「男歌手」金獎。
曾被力捧

2016年《勁歌總選》,被力捧嘅Alfred奪得兩首金曲獎及「最佳演繹男歌星」獎,成為當年「大贏家」。
曾被力捧 2016年《勁歌總選》,被力捧嘅Alfred奪得兩首金曲獎及「最佳演繹男歌星」獎,成為當年「大贏家」。

離開大台先見真章

許廷鏗對自己實力嘅最大懷疑,就係攞獎最多嘅時候:「曾經喺大台嘅音樂頒獎禮得到幾個獎項,有幾多獎唔係重點,當時我好驚,驚演出水準唔可以食得起呢個獎(最佳演繹男歌星),後來演出失準,我都嬲自己嬲得幾緊要,自此洗心革面,重新認識咩叫唱歌!」提起當年被推上高峰位置,更已落實紅館檔期,因為Alfred自覺未準備好而拒絕去做。「就算畀到我,我唔覺得值得嘅話,我都未必會去做,如果我對腳喺台上震緊,我都唔可以征服到呢個舞台啦!」至19年,Alfred先首登紅館開個唱。「所以話,無論大台有乜機會,有幾多配套,其實最後都係睇你平時準備功夫有幾多,而我由初出道到離開嗰9年都喺同一個環境,對嗰啲曝光同人氣習以為常,發現冇咗大台先真係見真章!」

期待跟Manson合作
問到會否將人生經歷告誡胡鴻鈞?Alfred兩度偷笑後說:「佢嘅人生經歷都唔少㗎,佢自己知㗎喇!初出道時佢可能冇咁成熟,慢慢同唔同嘅朋友相處,個價值觀係會改變。所以我覺得佢搞得掂,係叻仔!由頭到尾我對佢都好似細佬,欣宜係我姐姐,佢得到今日嘅成就,作為朋友當然開心。」成為樂壇一線歌手,許廷鏗除咗期待跟獨立幕後音樂人合作外,都想同《造星III》一班新血喺樂壇一齊玩,尤其鍾意Manson(張進翹)的音樂風格及羅凱鈴(Judas)的才藝。

歌迷擁戴

許廷鏗出道後已有大班Fans跟隨,當事人形容只係一場「虛火」,冇實力係唔會長遠。
歌迷擁戴 許廷鏗出道後已有大班Fans跟隨,當事人形容只係一場「虛火」,冇實力係唔會長遠。
紅館個唱

走出「舒適圈」嘅許廷鏗開始學會面對真正嘅社會,至2019年終於有信心開到人生第一個紅館個唱。
紅館個唱 走出「舒適圈」嘅許廷鏗開始學會面對真正嘅社會,至2019年終於有信心開到人生第一個紅館個唱。
三姊弟情

Alfred形容與欣宜份屬「異父異母低能巨孖寶」,而Hubert就係佢細佬,三人情如姊弟會互相關心。
三姊弟情 Alfred形容與欣宜份屬「異父異母低能巨孖寶」,而Hubert就係佢細佬,三人情如姊弟會互相關心。
連掃5獎

Hubert喺今年《勁歌總選》連掃5個獎項,當事人都難以置信。
連掃5獎 Hubert喺今年《勁歌總選》連掃5個獎項,當事人都難以置信。
益自己友

TVB嘅《勁歌總選》獎項分晒畀自己友胡鴻鈞、菊梓喬及周柏豪,被評係小圈子頒獎禮。
益自己友 TVB嘅《勁歌總選》獎項分晒畀自己友胡鴻鈞、菊梓喬及周柏豪,被評係小圈子頒獎禮。
失蹤人口

許廷鏗17年離開大台後成為「失蹤人口」,歌迷一度以為他只做牙醫,從此消失於樂壇。
失蹤人口 許廷鏗17年離開大台後成為「失蹤人口」,歌迷一度以為他只做牙醫,從此消失於樂壇。
高質評判

參加歌唱比賽出身的Alfred,之前喺《全民造星III》出任評判時動咗真心,認為如果當年評判講呢啲咁有建設性嘅說話,佢一定好開心。
高質評判 參加歌唱比賽出身的Alfred,之前喺《全民造星III》出任評判時動咗真心,認為如果當年評判講呢啲咁有建設性嘅說話,佢一定好開心。
唔夠坦白

Alfred狠評Judas唔夠坦白,印象最深當強尼問她準備被淘汰感覺時?竟答相信隊友幫到自己,唔擔心!Alfred激動道:「我心諗:『點會唔緊張啫?唔需要咁圓滑,邊個教你唔可以有緊張情緒呢?』」
唔夠坦白 Alfred狠評Judas唔夠坦白,印象最深當強尼問她準備被淘汰感覺時?竟答相信隊友幫到自己,唔擔心!Alfred激動道:「我心諗:『點會唔緊張啫?唔需要咁圓滑,邊個教你唔可以有緊張情緒呢?』」
獨當一面

Alfred覺得Manson可以獨當一面,如果他唱Live唱得紥實啲會有排玩,希望有機會合作。
獨當一面 Alfred覺得Manson可以獨當一面,如果他唱Live唱得紥實啲會有排玩,希望有機會合作。

最新回應

關鍵字

相關新聞

熱門文章