何依婷讚拍擋聰明轉數快胡鴻鈞拍外景拗柴撐柺杖出席拜神

2021-02-02 17:15

胡鴻鈞（Hubert）與何依婷（Regina）今日出席新劇《十月初五的月光》拜神儀式期望拍攝順利，不過Hubert日前拍外景時不慎扭傷腳，要撐柺杖現身，他透露：「日前在流浮山拍攝外景，踩到凹洞時腳踝啪一聲，當時已心知不妙，同事有幫我冰敷，然後去咗醫院照X光，醫生話冇乜事可以做，只可以少郁動及休息。」提到Hubert每次拍劇都會受傷？他笑言目前拍文戲為主，只能盡量少用下半身讓患處休息。

Regina表示拍檔受傷時不在現場，得知後即問候Hubert，自言很愛錫他：「當時在拍攝，每次cut機便send訊息給他。」Hubert笑說：「我當時嘅反應係問夠未呀，佢可能好擔心我會影響拍攝進度，阻佢收工。」Regina笑指Hubert轉數快又聰明，經常鬥嘴都輸給他。

提到《十》劇是經典作，二人都表示有壓力，Regina有睇前作，希望可以加強對比做出不同，而Hubert則希望做好自己的演繹，明白觀眾會有意見，但亦相信大家會睇到有分別。