【獨家】開YouTube頻道寓工作於識女仔 Eric 肥谷笑師兄有女就變樣

2021-01-28 22:31
肥谷、Eric齊笑「師兄」劉浩龍有女嘉賓就變樣,變得好似見家長咁,相當搞鬼。
肥谷、Eric齊笑「師兄」劉浩龍有女嘉賓就變樣,變得好似見家長咁,相當搞鬼。

早前,音樂人Eric Kwok(郭偉亮)與劉浩龍(師兄)及谷德昭於YouTube開設頻道《Round Table Poker》,並邀請嘉賓玩德州撲克,輸家要食最怕嘅嘢嚟大懲罰!周秀娜就因為輸咗要食濕狗罐頭加餅乾食到扁晒嘴,而JW就食超級芥辣壽司搞到流晒眼淚,至於兩歲開始唔食忌廉蛋糕嘅何超儀更食到反胃,最好笑係劉心悠竟提出食Wasabi仙人掌,去得咁盡反而嚇親大家,眾主持齊撳住佢大嗌唔好!採訪:方騫平 場地:THE STADIUM@觀塘興業街

肥谷、Eric齊笑「師兄」劉浩龍有女嘉賓就變樣,變得好似見家長咁,相當搞鬼。
肥谷、Eric齊笑「師兄」劉浩龍有女嘉賓就變樣,變得好似見家長咁,相當搞鬼。
谷德昭、劉浩龍和郭偉亮於YouTube開設新頻道《Round Table Poker》,並邀請嘉賓玩德州撲克。
谷德昭、劉浩龍和郭偉亮於YouTube開設新頻道《Round Table Poker》,並邀請嘉賓玩德州撲克。

《Round Table Poker》逢星期一及四晚上六時播出,節目中,郭偉亮同劉浩龍會將由細玩到大嘅小玩意搬出幕前,仲搵埋老友谷德昭一齊玩,肥谷笑說:「因為疫情喺屋企完全冇嘢搞,劇本又寫唔到,幾十歲人咪學吓做YouTuber,等第日熟習玩法收集到大數據時,可能發展到啲嘢出嚟拍,好似拍劇咁。」

娜姐寧願食濕狗罐頭加餅乾都唔肯食最怕食嘅blue cheese。
娜姐寧願食濕狗罐頭加餅乾都唔肯食最怕食嘅blue cheese。
JW被罰食超級芥辣壽司,搞到眼淚直流。
JW被罰食超級芥辣壽司,搞到眼淚直流。

講到節目玩德州撲克,郭偉亮說:「我細個有段日子好鍾意講大話,玩牌時只係做返以前嘅自己。今次聚埋一齊講嘅嘢都幾抵死,氣氛好值得畀觀眾感受吓,而且多啲女嘉賓係幾開心嘅,會有多啲靈感寫多啲歌,其實搵個藉口嚟識吓人。」劉浩龍笑住認同,「呢個係最好嘅機會嚟!」肥谷即笑住踢爆師兄:「有陌生女仔喺度,佢個人就唔同,好似見家長咁,得我哋幾個時又變另一個樣,所以我哋好鍾意請女嘉賓返嚟克制佢,(介紹女仔畀佢?)每個禮拜都有,仲想點呀?我哋都用心良苦,第日要好好答謝我哋添呀!散場時,見師兄爭住話『不如我送你返屋企!』即係代表呢個女嘉賓,喺呢盤牌入面表現得好好。」師兄尷尬大笑扯開話題:「好似JW咁,佢咪比想像中更活潑,而且好聰明;娜姐就有義氣;心悠夠放,平日睇唔到佢有呢一面;超儀就好有氣場,好似賭神上身咁,超有運氣。」

Eric老婆葉佩雯輸咗都冇得縮沙,享受豬脷免切。
Eric老婆葉佩雯輸咗都冇得縮沙,享受豬脷免切。
何超儀唔食忌廉,今次自備忌廉蛋糕願玩服輸。
何超儀唔食忌廉,今次自備忌廉蛋糕願玩服輸。
肥谷都要食濕狗罐頭加餅乾,真係睇見都唔開胃。
肥谷都要食濕狗罐頭加餅乾,真係睇見都唔開胃。
師兄及Eric食難頂嘅納豆,仲要將納豆攪到起晒泡先放入口。
師兄及Eric食難頂嘅納豆,仲要將納豆攪到起晒泡先放入口。
關鍵字

最新回應

關鍵字

相關新聞

熱門文章