馬國明首奪搜尋人氣大獎湯洛雯：希望我一直旺佢

2021-01-27 19:30

《Yahoo搜尋人氣大獎2020》頒獎禮日前於網上舉行，馬國明（馬明）與女友湯洛雯（靚湯）雖然也有出席，但未有同台亮相。席間，馬明和李佳芯（Ali）分別奪得「Yahoo搜尋人氣大獎2020--電視男、女藝人」，而鄭俊弘（Fred）和靚湯分別獲頒「圖片搜尋次數最多的香港男、女藝人」，被問到如何保持人氣下年蟬聯？Fred鬼馬提議靚湯結婚！靚湯聞言亦不甘示弱，祝去年11月迎娶何雁詩的Fred年生貴子，她笑謂：「快啲生小朋友，最好係打孖上生孖胎！」Fred即顯得有點尷尬說：「希望係啦！」

至於可有甚麼獎勵給首獲人氣大獎的馬明？靚湯甜笑道：「我恭喜佢啦！佢喺大家同我心目中都係非常成功嘅男演員，我都唔知獎咩，總之恭喜佢，希望佢一直都咁好、我都一直旺佢！」馬明就感激大會及網民支持，盼能拍更多好劇回饋大家；他又以電影《嚦咕嚦咕新年財》勉勵港人，當中提到「愈難打嘅牌就要畀心機去打」，馬明說：「無論環境係點都要畀心機，逆境順境都要盡量做好自己！」