【獨家】返加拿大前約老友見吓 李施嬅同趙希洛超市掃零食

2021-01-25 21:00
兩位老友記約埋行超市。
兩位老友記約埋行超市。

因為劇集《Blood and Water》第三季復工,39歲李施嬅月初返加拿大隔離兼繼續拍攝。臨遠行前就約好姊妹,38歲的趙希洛行超市爭取見面時間,兩位中女主力睇零食,兩個都咁瘦,大把Quota啦。採訪:梁志明

兩位老友記約埋行超市。
兩位老友記約埋行超市。
趙希洛對魔力梳好有興趣。
趙希洛對魔力梳好有興趣。

李施嬅份人都幾老實,之前因為要返加拿大,所以缺席無綫頒獎禮,有粉絲喺佢IG留言:「今年有可能攞獎,會唔會有代領獎?」李施嬅當時已回覆:「儍瓜,唔出席就冇可能有獎㗎啦!」睇得透仲要夠膽講,另眼相看喎。

李施嬅咩都有興趣,邊行邊四圍望。
李施嬅咩都有興趣,邊行邊四圍望。
雖然約埋行超市,但兩人各自行。
雖然約埋行超市,但兩人各自行。

全程睇零食
出發去加拿大前,李施嬅就約老友趙希洛去超市行吓。當晚約七點,兩人現身銅鑼灣時代廣場地庫,趙希洛對展銷場中有按摩功能,可幫助舒壓及減少髮絲斷裂的魔力功能髮梳好有興趣,見佢睇咗好耐,再經Sales介紹,120蚊一個,諗一陣就入手,之後入超市會合李施嬅,兩女分開睇,但睇嘅都係For牙痕過癮用,兩人隨意兜咗個圈,買咗啲零食,如黑松露迷你餅乾條,然後就排隊畀錢再一齊行去停車場攞車返歸。

去到停車場,趙希洛拉低口罩飲啖水唞吓氣。
去到停車場,趙希洛拉低口罩飲啖水唞吓氣。
兩個人泊車位置唔同,各自攞完車就返歸。
兩個人泊車位置唔同,各自攞完車就返歸。

最新回應

關鍵字

相關新聞

熱門文章