【維港會】搭巴士摷不到八達通 好心乘客幫嘟卡後落車

相信不少人都對遲到追巴士有所共鳴，往往好不容易趕到巴士，臨上車卻找不到散紙和八達通，令人手忙腳亂。有網民就遇到好心人，一名乘客落車時，見到網民手足無措，就直接幫網民付了車錢，然後瀟灑落車離去，令網民非常感激。

有網民在「柴灣人柴灣事」Facebook群組分享故事，早上8點在興民搭8X巴士，因為差不多遲到，網民拔足狂奔追巴士，好彩即刻有車，但上車之後「摷嚟摷去都摷唔到散紙包搵唔到張八達通」。網民向司機表示想坐下再慢慢找，此時一名男乘客從樓上走下來準備落車，「佢見我咁『哩HEA』，佢話我幫你畀咗先啦，幫我嘟完就落咗車。」網民未趕及道謝，男乘客就已經離開，他發帖希望向男乘客「講聲唔該晒」。

不少網民都留言讚好人好事，「出路遇貴人，今日有美好的星期一」，也有人就鼓勵將善意傳遞出去，「我會Pay it forward，下次幫番搵唔到八達通嘅街坊」。