星島日報

叫志偉做大佬大腦 余詠珊:好開心佢做我老闆

2021-01-23 11:10
余詠珊稱志偉有新想法,新年前會返港再傾。
余詠珊稱志偉有新想法,新年前會返港再傾。

當年有傳曾志偉跟余詠珊鬧不和,志偉毅然離開無綫。日前志偉強勢回歸更成為余詠珊上司,「花生價」即時急升。余詠珊昨晚現身網購節目,以「大佬」及「大腦」稱呼志偉,透露連日跟老闆開會談到本年度的各樣計劃。她說:「志偉話唔錯,佢都有新想法,佢會新年前返嚟返嚟香港再傾。(有無計劃被煞停?)無,有加無減。(過程和平?)當然和平,我好開心佢做我老闆。」

對無綫近年的綜藝節目性質單一,例如大量飲食節目,余詠珊解釋:「去年遇到好大問題,出街拍嘢都成問題,其實係唔想嘅,但只可以匿埋喺廠度做,喺許可同安全嘅環境下,逼住做好多好多飲食節目。」問到是否這原因,令到《流行經典50年》不斷重覆錄製?她表示節目收視不錯,亦幫助了不少歌手,若貿貿然停止會影響歌手生計。

余詠珊稱志偉有新想法,新年前會返港再傾。
余詠珊稱志偉有新想法,新年前會返港再傾。
汪明荃認同年節目太單一化。
汪明荃認同年節目太單一化。


汪明荃(阿姐)首次為網購節目擔任司儀,談到曾志偉回巢任職副總經理主理綜藝科,阿姐坦言希望志偉及王祖藍為綜藝節目帶來改變,開拍更多不同模式的節目,她亦願意接受新嘗試。對近年節目太單一化,阿姐說:「例如呢?(大量飲食節目。)係呀!(希望志偉改善山頭主意?)呢個問題我唔識答。用返自已班底都無可厚非,但希望佢多啲包容,發掘多啲人材,百花齊放。」

阿姐望志偉及王祖藍為綜藝節目帶來改變。
阿姐望志偉及王祖藍為綜藝節目帶來改變。

最新回應

關鍵字

相關新聞

熱門文章