星島日報

【獨家】開心《堅離地》拖足3年終播出 張振朗笑指似初戀特別深刻

2021-01-14 18:57
張振朗開心《堅離地》拖足3年終於播出,又笑指該劇似初戀會特別深刻。
張振朗開心《堅離地》拖足3年終於播出,又笑指該劇似初戀會特別深刻。

剛在《萬千星輝頒獎典禮2020》憑《反黑路人甲》的有型臥底「高彬」,奪得「最受歡迎電視男角色」的張振朗,最近在《堅離地愛堅離地》飾演毒男「希神」反差極大,其實該劇受「安心事件」影響拖足3年先有機會播出,振朗坦承已圓了自己心願,因該劇是他首部擔正作品,就好似初戀一樣特別深刻,加上花了大量心思,真心想聽到觀眾的評價。撰文:杜淑霞 攝影:譚壹致 髮型:larry [email protected] ilcolpo 場地:The AIR (The ONE)

張振朗開心《堅離地》拖足3年終於播出,又笑指該劇似初戀會特別深刻。
張振朗開心《堅離地》拖足3年終於播出,又笑指該劇似初戀會特別深刻。
最近忙拍新劇《拳王》的張振朗,增了30磅演拳手,這天訪問時已完成拳賽重頭戲,輕了近10磅。
最近忙拍新劇《拳王》的張振朗,增了30磅演拳手,這天訪問時已完成拳賽重頭戲,輕了近10磅。



對於憑「高彬」奪「最受歡迎電視男角色」獎,振朗坦承最初接拍《反黑路人甲》時很驚青,因為演喜劇相當有難度,「笑可能喺每個人口味好唔同,你可能覺得咁樣好笑,我可能覺得咁樣先好笑,準則好難拿捏,今次係幾估唔到出嚟個反應,大家會咁鍾意『高彬』,真係好開心。」

《堅離地》演的毒男「希神 」,振朗笑言造型「衰過喺屋企」,因他刻意不化妝梳頭兼帶眼鏡,唯一好處是起身刷完牙就可以開工。
《堅離地》演的毒男「希神 」,振朗笑言造型「衰過喺屋企」,因他刻意不化妝梳頭兼帶眼鏡,唯一好處是起身刷完牙就可以開工。
振朗憑「高彬」初次奪得「最受歡迎電視男角色」獎。
振朗憑「高彬」初次奪得「最受歡迎電視男角色」獎。




談到恨了多時的《堅離地》終於播出,振朗認為心情反而輕鬆,「有得播我已經好開心,我都未試過播一套劇集我係完全冇壓力,因為要睇上網已睇咗,咁想播出街為乜?係圓咗我自己嘅心願。因為第一套(擔正的劇)就好似初戀咁,永遠係最好,呢套劇就係我嘅初戀,係會特別記得,如果唔係舊年上台領(「飛躍進步男藝人員」)獎,唔會上台第一句就咁講(想該劇播出)啦!」除了情意結外,他又解釋為該劇亦花盡心思,「第一套係特別盡啲,掉晒我咁多年嚟學過所有嘢,擺晒落部劇集度,我先會咁想睇吓個成果係點,同埋個角色同大家接觸開嘅張振朗好唔同,所以想畀大家評價吓。」




振朗雖然在頒獎台沒有提及女友楊偲泳,不過兩人經常分別貼出去玩滑水及遊電單車河的相,就知兩人感情穩定,不過問到他女方是否結婚對象,他就冇正面回應,還帶點怕醜咁答得極之小心,「佢好好嘅,係好好嘅女仔。」但他自認家庭觀念重,一定會結婚,「我都想成家立室嘅,但係真係要睇時間,睇吓呢幾年事業做成點先,又冇車又冇樓,好難講其他嘢。」原來他目標要買間獨立屋跟家人一齊住,看來楊偲泳要等多陣啦!

初次擔正的振朗跟龔嘉欣搏到盡開工,拍攝期間攰到死路邊照瞓。
初次擔正的振朗跟龔嘉欣搏到盡開工,拍攝期間攰到死路邊照瞓。
毒男「希神 」有幼稚一面,平日愛在姪仔身上搵靈感的振朗,想到攞他們的玩具當道具。
毒男「希神 」有幼稚一面,平日愛在姪仔身上搵靈感的振朗,想到攞他們的玩具當道具。
振朗在《反黑路人甲》最令觀眾深刻其中一幕,肯定是跟王浩信這場咀戲,兩人更聯同朱敏瀚奪得「最受歡迎電視拍檔」。
振朗在《反黑路人甲》最令觀眾深刻其中一幕,肯定是跟王浩信這場咀戲,兩人更聯同朱敏瀚奪得「最受歡迎電視拍檔」。

最新回應

關鍵字

相關新聞

熱門文章