星島日報

【獨家】防疫Family 陳豪出去搏殺罩不離口 陳茵媺湊仔女行山唔敢鬆懈

2021-01-13 22:13
阿Mo與Aimee的防疫意識超高,不論自己或小朋友去到邊都戴實外科口罩。
阿Mo與Aimee的防疫意識超高,不論自己或小朋友去到邊都戴實外科口罩。

無綫《萬千星輝頒獎典禮2020》周日圓滿結束,當晚全台藝人均戴上效用成疑的透明口罩,唯獨「住家好男人」陳豪(阿Mo)除上頒獎台外,全程寧願「犧牲個樣」都堅持戴外科口罩,目的就是為保護靚妻陳茵媺(Aimee)和3個寶貝仔女。一家之主外出搏殺,Aimee就做好賢內助本份,專心打理家頭細務、照顧小朋友,日前仲拎起錘仔、電鑽自己組裝電視櫃,認真犀利!雖然近日確診個案回落至雙位數,但Aimee都未敢鬆懈,主張帶子女到郊區進行戶外教學的她,早前跟家傭姐姐拖住3名子女去行山時,眾人全程戴實口罩,郊遊完仲急急腳從淺水灣步行回南灣寓所,高度戒備!採訪:張詠森

阿Mo與Aimee的防疫意識超高,不論自己或小朋友去到邊都戴實外科口罩。
阿Mo與Aimee的防疫意識超高,不論自己或小朋友去到邊都戴實外科口罩。
同行小朋友除罩飲水,在旁的Aimee不忘溫馨提醒:「飲完就快啲戴番口罩喇。」
同行小朋友除罩飲水,在旁的Aimee不忘溫馨提醒:「飲完就快啲戴番口罩喇。」

抗疫期間,好多市民都鍾意去行山呼吸新鮮空氣,惟不少行山友卻趁人少少,偷偷違規唔戴口罩。不過防疫意識超高的陳氏一家,持續一年多仍未出現「抗疫疲勞」,即使現身公開活動或大騷,陳豪如非必要都Keep住戴外科口罩,唔使出去搵銀時,他亦盡量Stay home陪家人,難怪小朋友都咁黐爹哋;至於愛妻陳茵媺就一對三,主力喺屋企陪子女讀書,間中為「閉關」多時的馬騮仔準備親子烘焙、戶外探索等課外活動,盡量少去人多的市區為妙。而早前,Aimee又同家傭姐姐湊住3個寶貝去屋企附近行山,同行仲有另一個Family。

鍾意小動物的Aiden和Nathan心心眼望實領養中心入面啲毛小孩,之後仲唔捨得離開。
鍾意小動物的Aiden和Nathan心心眼望實領養中心入面啲毛小孩,之後仲唔捨得離開。
Aiden一馬當先同家傭姐姐行得勁快,其間停低等媽咪時悶到玩手指。
Aiden一馬當先同家傭姐姐行得勁快,其間停低等媽咪時悶到玩手指。

火速回家
當日約下午4時許,遠足完的一行人直接行返南灣大宅,未有周圍逛。回程時途經淺水灣THE PULSE商場,見到寵物領養中心的毛小孩,大仔Aiden和二仔Nathan即貼住塊落地大玻璃係咁望,孭住個大背囊的Aimee就拖住4歲細女Camilla,停低陪囝囝睇咗陣,但好快她又起程回家,兩隻馬騮仔卻唔捨得走,更要家傭姐姐出手催促離開。之後過馬路,姐姐攤開手臂負責擋車,Aimee拖住Nathan和Camilla帶頭行,Aiden就緊隨其後扯實細佬件羽絨背心頂帽,非常得意。抵達屋苑時,Aimee又叫姐姐幫手影相留念,她與大仔即有默契地舉高手仔,嗲爆的Camilla扭咗兩吓便挨實媽咪,Nathan就縮埋隻左手入背心,認真搞鬼,而全程大家都罩不離口,果然係防疫模範!

Aimee拖住細女追上前會合大仔,Nathan好似「小導遊」咁指嚟指去,唔知向媽咪講解緊咩呢?
Aimee拖住細女追上前會合大仔,Nathan好似「小導遊」咁指嚟指去,唔知向媽咪講解緊咩呢?
回程時,Aimee拖住Nathan和Camilla過馬路,Aiden就扯住細佬件羽絨背心頂帽,好搞笑。
回程時,Aimee拖住Nathan和Camilla過馬路,Aiden就扯住細佬件羽絨背心頂帽,好搞笑。
就算返到屋苑冇乜人,Aimee都未敢讓小朋友除口罩影相,非常小心。
就算返到屋苑冇乜人,Aimee都未敢讓小朋友除口罩影相,非常小心。
《萬千星輝頒獎典禮2020》當晚全台藝人戴上透明口罩,唯獨阿Mo堅持戴外科口罩,保護家人。
《萬千星輝頒獎典禮2020》當晚全台藝人戴上透明口罩,唯獨阿Mo堅持戴外科口罩,保護家人。
Camilla在頒獎禮夜,見到電腦Mon中的爸爸即又啜又攬,可見阿Mo平時多愛錫啲仔女。
Camilla在頒獎禮夜,見到電腦Mon中的爸爸即又啜又攬,可見阿Mo平時多愛錫啲仔女。
日前在ig透露忙於搬屋的Aimee,搵兩個囝囝充當「小助手」一齊組裝電視櫃,讓他們乜都體驗吓。
日前在ig透露忙於搬屋的Aimee,搵兩個囝囝充當「小助手」一齊組裝電視櫃,讓他們乜都體驗吓。
男主外女主內,婚後Aimee淡出幕前在家相夫教子,讓阿Mo專心在外搏殺,賺錢養家。
男主外女主內,婚後Aimee淡出幕前在家相夫教子,讓阿Mo專心在外搏殺,賺錢養家。
疫情期間,陳氏一家主要都係戴住口罩喺屋企附近的淺水灣沙灘及商場活動。
疫情期間,陳氏一家主要都係戴住口罩喺屋企附近的淺水灣沙灘及商場活動。
亦不時都見到Aimee落超市買水果,增強家人抵抗力。
亦不時都見到Aimee落超市買水果,增強家人抵抗力。

最新回應

關鍵字

相關新聞

熱門文章