星島日報

【獨家】《造星III》做評判形象大逆轉 鄭欣宜想嫁人努力搵有內涵老公

2021-01-11 03:07
欣宜對住《造星III》學員Ben及ANSONBEAN心心眼,網民大讚她夠真,對緊張氣氛有中和作用。
欣宜對住《造星III》學員Ben及ANSONBEAN心心眼,網民大讚她夠真,對緊張氣氛有中和作用。

鄭欣宜去年任《全民造星III》評判時,因對冠軍Ben(趙祥誠)及季軍ANSONBEAN(陳毅燊)的演出睇到心心眼流晒口水,並大爆姐姐搞笑語錄而扭轉觀眾對她一向的觀感,開心被讚的欣宜姐姐坦言已33歲,開到口好恨搵一個港男做男友!採訪:方騫平 攝影:譚壹致 髮型:Milk Chan、Keith lee @ XENTER 化妝:Samuel @江中平化妝室 場地:PRIZM Digital

欣宜對住《造星III》學員Ben及ANSONBEAN心心眼,網民大讚她夠真,對緊張氣氛有中和作用。
欣宜對住《造星III》學員Ben及ANSONBEAN心心眼,網民大讚她夠真,對緊張氣氛有中和作用。
自認怕醜嘅鄭欣宜唔想跟男友同一地方工作,因為怕見親男友心心眼影響工作。
自認怕醜嘅鄭欣宜唔想跟男友同一地方工作,因為怕見親男友心心眼影響工作。

鄭欣宜加入新公司後,坦言想試新嘢,就算頭炮新歌《小夜燈》,都希望大家聽到她有唔同唱法。她認真說:「都想試吓歌影視三棲發展,大膽演一啲令人意想唔到嘅奸角,咁多年嚟都冇人搵我做過。」


今次轉新公司由一早認識嘅林珊珊力邀加盟,「雖然許廷鏗有話穿針引線入佢公司(華納唱片),但朋友之間唔好有任何利益關係最好。所以我會對住塊鏡同自己打氣講『鄭欣宜唔好驚過渡期!一驚就會亂,就會做一啲錯誤嘅決定,用呢個時間去學跳舞,進修吓!』雖然老公未搵到,但𠵱家我搵到間好公司,呢啲仲難過搵好老公,咁打後咪可以focus搵老公囉!yeah!」 欣宜強調自己33歲好自然諗嫁人,「我鍾意有內涵多過外表,其實咁耐以嚟,我一直冇dry過,不時有去約會吓,正如買對鞋都要試上腳先買。」

欣宜簽約寰亞音樂,老闆林建岳、由細睇到她大的陳淑芬及尊敬嘅前輩鄭裕玲都有出席記者會。
欣宜簽約寰亞音樂,老闆林建岳、由細睇到她大的陳淑芬及尊敬嘅前輩鄭裕玲都有出席記者會。
老友許廷鏗都有提出幫手安排她加入華納,但她唔想同朋友一齊做嘢。
老友許廷鏗都有提出幫手安排她加入華納,但她唔想同朋友一齊做嘢。

欣宜笑言唔怕肥妹唔啱男仔「胃口」,「因為好多人食慣排骨,都想試吓食五花腩㗎嘛!有邊個人唔鍾意食梅菜扣肉呀?!不過,我鍾意食中餐嘅,但要遇啱先得。」她解釋唔關肥瘦事,因成長環境背景問題,香港男士對鄭欣宜已有某種諗法,幸而負面眼光隨着網民對她了解,近年已有改變。

欣宜最想喺疫情緩和後開到演唱會,令音樂事業有更大突破。
欣宜最想喺疫情緩和後開到演唱會,令音樂事業有更大突破。
欣宜坦言一直有Dating,過往她只公開過同Mark Ryan拍過拖。
欣宜坦言一直有Dating,過往她只公開過同Mark Ryan拍過拖。

最新回應

關鍵字

相關新聞

熱門文章