【維港會】不忿友人登門火鍋無夾錢兼食清雪櫃 屋主:以後唔再請

2021-01-10 14:36
網民不忿友人上門打邊爐沒有夾錢還食清空雪櫃。示意圖片
網民不忿友人上門打邊爐沒有夾錢還食清空雪櫃。示意圖片

人情還人情,數目要分明?網上討論區「親子王國」有網民發文,指叫友人上門打邊爐,但對方沒有夾錢之餘,「佢同佢男朋友清空晒我雪櫃」。網民大為不忿,寧願「以後都唔再請佢哋來」,並向網民求教如何是好。

不過一些網民留言就指,登門作客甚少會叫客人出錢,「無試過叫人夾錢,當請朋友共聚。朋友大多會自動波買酒,蛋糕,生果」、「除咗讀書時期,我去人屋企同請人上我屋企,都無試過夾錢,除非叫外賣有數計,都係大家隨意一人出啲,介意不如出街食AA」、「朋友上嚟我屋企食飯唔會要人俾錢。我上朋友屋企都未試過要夾錢」、「我請朋友上屋企食飯,我唔會要人夾錢,咁核突」。

有人認為要視乎發文者是否事前解釋清楚,「人哋可能以為你請, 你都講叫人上來」、「如果你係預咗夾份嘅,最好就早講聲,又或者叫對方買下一啲嘢分擔。」

也有人習慣作客時主動出錢,「我從來都唔會唔夾,就算無提,我都預咗夾錢,點都唔想人哋蝕。人哋又買又拎又洗又切,食完仲要清場,好多嘢做。通常上去之前,會再問有無嘢要再買」、「禮貌上會問下夾幾錢,如果知道唔洗夾,就會買啲嘢上去送禮或一齊食,咁樣好睇啲,熟都係咁話,因為人哋會覺得無家教」

關鍵字

最新回應

熱門文章