【維港會】網購包裹紙箱衣物被咬爛 網民疑老鼠所為

疫情下網上購物成為潮流，有網民在facebook群組「淘寶開心share」抱怨，稱多次網購收到包裹時紙箱都有破口，內裡貨物包括衣物更懷疑被老鼠咬爛。

發文者上載紙皮箱穿了大洞的照片並稱，最近用的集運公司貨物「成日俾老鼠咬，衫都咬。見到個洞已經唔敢再拆」。發文者多次投訴，但網店賣家拒絕補發，集運公司則推卸落運輸公司，責任推來推去。發文者指「幸好無老鼠走出嚟。但有洞嘅無開箱就掉了。都係啲衫嚟。很無奈」

有多名網民亦曾收過包裹發現破爛或者缺少食物，懷疑是被老鼠咬爛。網民看到照片後覺得擔憂，「好驚！仲運緊啲豬肉乾去集運，最衰要等埋其他啲老遠嘅貨，而可能要被逼stay喺個倉一兩日，都担心畀老鼠食先」；「大陸集運應該唔會收的！我估來到香港先咬爛」。

不過也有網民猜測並非是老鼠所為，可能是搬運時太粗魯撞穿撞爛紙箱；也有人估計可能是內地集運公司或海關人員拆開包裹檢查有沒有違禁品，更有一些網民估計是有賊人偷竊「好明顯係人偷扮老鼠咬啦」。

也有人質疑，「應該打開看物品怎樣，隨意丟掉，太可惜了。」不過有人覺得「我都唔會睇喎。 有老鼠走入屋點算？ 會淘嘅衫最多咪幾百蚊件，當你有幾件，一，二千， 都唔會貴得過揾人捉老鼠啦。」