【維港會】男友提合資置業要立「分權契」 港女猶豫:未結婚已諗分開

未結婚先想定離婚？網上討論區「親子王國」有網民發文，其侄女的男友有意合資置業並結婚，但男方表明要求「分權契」以保障男方母親，引起女方猜疑是否值得信賴。

網民透露，姪女有感情煩惱求助，指拍拖約4年的男友主動問她收入及積蓄，聲稱想一齊夾錢買樓將來結婚用，但男方主動講明要寫「分權契」，原因是「萬一佢有咩萬一要保障佢阿媽」。男方還「開口講到明要買邊度嘅樓，奇怪在又唔近男家，又唔近女家，只喺話個度值得投資買」。

發文者認為要求有古怪，「一向我身邊啲朋友兩公婆買樓都喺正正常常用咩長命契，就算有咩事都喺正常跟法律，最多男方未落張平安紙也可以」

發文者猜疑男方有古怪，覺得不像是為結婚組織家庭安居而買樓。「我直覺佢哋有機會分手，男方太計得盡，不適合同任何女人結婚，好似好防老婆。我感覺有啲違背婚姻誓詞內承諾」、「男方想算死草計埋萬一離婚或婚外情……覺得男方真喺唔準備結婚嘅人，婚姻始終講承諾、責任、忠誠、同甘共苦」

其他網民留言意見不一，有人奉勸「一日未結婚都唔好買樓住，感情嘅嘢好難講，萬一婚都未結，分手就麻煩」、「道理上男方無唔啱，感情上就一定有問題。係男方來講未百分百確信女方，心中所想如果我死先過你，我阿媽你未必會照顧。而有咁嘅思想，間接亦會令女方覺得你對我有戒心，我點解要嫁？然後嘅然可以一齊買樓，點解唔結婚先？旁人來睇，佢哋未係時候考慮婚前共同買樓甚至結婚。」

但也有人指，「又唔可以咁講，調轉諗，如果自己有事早走，你想份個人身家保障返自己父母定比晒老公？男嘅受益人畀父母，女一樣可以，我覺得好公道」、「分業權一人50%有咩問題？男女朋友都未結婚，是旦寫一個名另一個又擔心比人呃，咁一人一半各有保障，又一人一份供樓當儲錢，都唔錯呀。如將來結咗婚，個男人無寫遺囑就死咗，都係比哂老婆。」、「佢想保障佢媽，真係可以買保險，受益人可以寫佢媽。再唔係，層樓唔寫男仔名，直接寫佢媽同你姪女名」

聯名購買物業，可選擇聯名長命契或分權。如以長命契方式持有物業，其中一方過身，業權便全歸另一方。如果物業是分權持有，其中一方過身，其業權便會留給後人或遺囑受益人。