【維港會】港媽妊娠毒血症險難產 冷漠老公：開刀有咩咁辛苦？

有人說，生完小朋友就能確定自己有沒有嫁錯老公。一位港媽在網上討論區「親子王國」分享，自己生完小朋友5個月來「冇一日係開心過」，因為老公不僅漠視她，甚至質疑她「開刀有咩咁辛苦」，讓港媽心灰意冷，直言「應該離開定係留低 ?」

港媽指小朋友已經有5個月大，但分娩至今老公都對她很冷漠，態度有360度轉變，「感覺好似我就係代母，生完小朋友就唔使理我」。她表示自己有和老公談論自己的感受，但卻沒有任何改善，「個女同埋佢朋友永遠都係第一位，屋企人就係第二，我就係最尾嗰個。」甚至港媽告訴他，覺得自己好似有產後抑鬱，老公就直言「你自己脾氣差啫關咩事呀？」 

而最讓她心灰的是老公不明她生產之苦，在她產後說了一句：「你開刀有咩咁辛苦，你都冇經歷過人哋痛幾十個鐘 ?」港媽表示自己當時開刀，是因為妊娠毒血症緊急情況，隨時難產隨時會死。港媽形容老公是大男人性格，認為生仔不過如此，「我唔明白點解佢有講呢啲說話令到我咁難堪，好似我冇真真正正痛過幾十個鐘，就唔等於辛苦過咁 ?」

網民同情港媽的遭遇，有人批評老公，「佢都幾無同理心，同埋根本唔在乎你」，也有人建議她和老公多溝通，「不如盡量挽救婚姻，你自己同先生表達咗咁多，佢都無改善無反應，不如搵專業人士幫手輔導下你哋婚姻關係」、「你哋可以一齊去見婚姻輔導有問題就去解決，離婚只係最後嘅選擇」另也有人建議港媽學識不要讓小事化大。