為決賽排舞13個鐘收兩蛋糕 《造星III》NY獲戰友慶祝20歲生日
2020-12-22 17:20 
《全民造星III》總決賽將本周六（26日）舉行，十強選手之一NY（鍾諾言）正密密排練，為決賽作最後準備。適逢昨日是他的20歲生日，他在社交平台發文：「20歲喺忙碌中渡過未必係一件壞事，呢一年識左（咗）好多人、好多同路中人，好多謝自己嘅勇氣去參加左（咗）呢個節目。無諗到13粒鐘嘅排舞都可以收到兩個蛋糕，你地（哋）所有所有所有嘅祝福同訊息我都有睇架（㗎）。好多謝呢一切，好多謝呢一個十年，好多謝所有人，我愛你地（哋）」。
NY同好多參賽者都十分老友，十強的其餘5位男參賽者ANSONBEAN、K LAU、CY、Kimman和Ben，以及同公司的Mark和John、泰倫斯，B組導師彭秀慧都有現身排舞室為他慶生。而在NY出Post後，K LAU亦留言祝山羊座的NY「山」日快樂，但原來在《造星III》一直協助指導A組的梁祖堯，都同B組的NY關係好好，他祝壽星仔：「Stay charming stay warm.」好愛屋企人的NY，排舞時亦獲家人前來送上蛋糕和祝福，呢個生日真係幸福滿瀉呀！
關鍵字
最新回應